СУПЕРСТАН: "Үй-бүлө курууда жогорку билимдин мааниси зор..."

Ата-энелер уул үйлөнтүп же кыз узатарда "жакшы жер экен, жакшы кыз, жакшы бала, билимдүү экен" деген кептер айтылат. Жогорку билимдин үй-бүлө курууга тийгизчү таасири канчалык? SUPER.KG порталынын "Суперстан" бөлүмүндө "Үй-бүлө куруу үчүн дипломдун зарылчылыгы барбы?" деген тема талкууланууда. Пикирлер мындай:

"Билимдүү адамдын интеллектуалдык деңгээли жогору, дүйнө таануусу кенен болот. Билим диплом менен эле чектелбейт. Дипломду сатып албай, билимди тереңдетип окуш керек. Ошондуктан үй-бүлө курууда билимдин зарылчылыгы бар".

"Диплом бакытты чечпейт, бирок окуган адам менен окубаган адамдын айырмасы чоң, түшүнүгү, ой жүгүртүүсү, жашоого көз карашы, өзүн алып жүрүүсү, туура сүйлөө, айта берсең көп эле. Ошол үчүн тең теңи менен эле болгону жакшы".

"Окуп диплом алгандардын көпчүлүгүнүн окубагандардан айырмасы деле жок го. Көпчүлүгү окубай туруп эле өтө сабаттуу болушат, анча-мынча окугандардан алда канча кругозору бийик турат. Негизи, адамдагы прогресс окуган-окубаганга эмес, изденүүсүнө карап ачылат".

"Үй-бүлөдө дипломдун мааниси жок".

"Албетте, кереги бар. Жигит кызына "окубай эле кой, өзүм багам" деп үйлөндү, кийин кокустук болуп экөө ажырашса, кыз окуудан жок же күйөөдөн жок ортодо калат".

"Кандай болгон күндө да башка бирөөнү карап отурбай, өзүң сүйгөн кесипте иштеп кем-карчыңды толуктап, андан да кайын журтуңа сен эмес, алар сага жагынып турганы жакшы эмеспи. Баланы чоңойтуп коюп үйдө эле отурбайсың да, иштешиң керек, мына ошондо диплом жардамга келет. Азыркы замандын талабы ушул".

Талкууга кошулгуңуз келсе, бул жакка кириңиз.

Автор: Гулийпа Маметосмон кызы

17:09 31-03-2016

Жазылуу

РУБРИКАДАГЫ СОҢКУ КАБАРЛАР

10:44 2025-05-14 | Маданият, шоу-бизнес

Асел Кадырбекова Бишкек шаардык кеңештин Ардак громатасы менен сыйланды 153 0

10:42 2025-05-14 | Кылмыштар, кырсыктар

Курулушта коопсуздукка кайдыгер караган деп компания жетекчиси жана бийлик өкүлү кармалды 131 0

10:16 2025-05-14 | Спорт

Кыргызстандык спортчу парадзюдо боюнча эл аралык мелдеште коло байгеге ээ болду (видео) 134 0

10:06 2025-05-14 | Түркүн дүйнө

Өзбекстандын жарандары 1-июндан тарта Кытайга визасыз кире алышат 260 0

10:00 2025-05-14 | Кылмыштар, кырсыктар

Караколдо менчиктештирилип кеткен соода базасы мэрияга өткөрүлдү (видео) 162 0

09:51 2025-05-14 | Коом жана турмуш

Нарындагы жер титирөө: Ак-Талаада 99 үйдүн дубалынан жарака кеткен 367 0

Архив

Комментарийлер (8)

marmiladka9

2016-03-31 17:54:50

Турмушка жогорку билимдин албетте пайдасы тийет. Бирок кыз балага кайындарынын колдоосу ото зарыл. Бироонун кызын алып кемчилик издеген "кемчонтой" кайненелер аман эле болушсун да...

DNurgiza

2016-03-31 18:26:01

билимдуу болсон, барктуу да болосун.

Jyrgal_msk

2016-03-31 18:31:04

Коп китеп окуган адам билимдуу,кругозору кенири болот.Адамды китеп тарбиялайт

nelya88

2016-03-31 19:02:50

Жогорку билимин бар болсо,албетте бир тепкичке жогору турасын. Сага болгон коз караштар башкача болот.

Magusi

2016-03-31 19:20:43

Мисалы менин куйоомду уйумдогулор окубаган уйдо отуруп оокат кылчу кыз ал дешкен экен.А бирок ал тескериче жолдошум мени кочодон бир коруп эле ала качты,мен барганда айттым мен жаны 1 курсмун десем уйумдогулор эстери ооду.Бирок баласы болбой албасам болбойт деп туруп Алды.Мен конбогогумо карабай отургузушту.Бирок мен окуумду тырышып буттум.Кыскасы алар билим жонундо тушунугу жок адамдар эле,аягы ажырашууга келип такалды.Жолдошумду болсо 5 кл кайненем окуудан Ким жыргайт деп чыгарып алган имиш.

Akmosha

2016-03-31 23:41:55

Билимдуулуктун пайдасы уй булоо курууда эн чон роль ойнойт десем болот.Анткени,бала тарбиялаганда,коом менен байланышканда,дегеле Адам менен тил табышканда окуган Адам бары Бир билимдуу,интелигент болуп,окубаган шеригинин жанында алда канча жогору Боло алат.Иштебесе да озунун кичинекей "Мамлекетинде"тарбиялуу момолорду берет десек да болчудай.

tairermatov

2016-04-01 08:12:31

Адамдын дили, ниети таза болбосо он беш жогорку окуу жайды бутсо да эч нерсе озгорбойт.

suymon

2016-04-01 09:18:50

Негизи жубайлардын экоосундо да туруктуу иши болсо бул жакшы нерсе.ошол учун баш кошордон алдын дипломуна билимине конул бурат

Комментарий калтыруу үчүн өз ысымыңыз менен кириңиз же каттоодон өтүңүз.