Бишкекте окуучулар карылардын жатак-үйүндө жана кароосуз калган балдар үйлөрүндө ишембилик өткөрүштү

Бүгүн, 16-апрелде Бишкек шаарында окуучулардын жана кесиптик лицейдин активисттеринин демилгеси менен ишембилик өттү. Иш-чара борбор калаанын мэри Албек Ибраимов мындай демилге менен чогулган окуучуларга ыраазычылык билдирүүсү менен башталды.

Ишембиликке борбордогу мектеп окуучуларынан турган 200дөн ашуун активист-лидерлер жана 4-кесиптик лицейинин окуучулары шаар аймагындагы карылар үйлөрүнө, кароосуз калган балдар үйүнө, ден соолугунун мүмкүнчүлүгү чектелген окуучулар мектебине жана ушул сыяктуу 10 мекемеге барып, алар окуп же жашаган жайларды жууп, жыйнап, ишембилик өткөрүштү.

"Шаардык жаштар комитетинин мүчөлөрү "Сен таза болсоң, мен таза болсом, коом да таза болот" деген ураан алдында ишембилик акциясын өз демилгеси менен көтөрүп чыгышты. Мэрия бизге чоң колдоо көрсөттү. Негизги максатыбыз бир аз да болсо жаштарды гумандуулукка, тазалыкка үгүттөө болуп саналат",- дейт Жаштар комитетинин координатору Акылай Койчуманова.

Социалдык мекемелердин жетекчилери жана эмгек жамааттары жаштарга ыраазычылыгын билдирип, бул сыяктуу кайрымдуулук иштерди жасоо балдардын тарбиясына да чоң таасирин тийгизерин айтышты. Ишембиликтин соңунда балдар №2-орто мектепте "Эрте келген турналар" тасмасын көрүштү.

Автор: Алина Токтакунова
Фото: Алина Токтакунова

16:09 16-04-2016

Жазылуу

РУБРИКАДАГЫ СОҢКУ КАБАРЛАР

16:43 2025-05-14 | Саясат

Депутат Маматалиев кымбатчылык күчөгөнүн айтты (видео) 380 0

16:39 2025-05-14 | Коом жана турмуш

Таласта айрым дарыяларда балык уулоого убактылуу тыюу салынды 193 0

15:44 2025-05-14 | Коом жана турмуш

Депутат Кой-Таш окуясында жабыркаган генералдын пенсиясын көтөрүүнү сунуштады (видео) 604 0

15:34 2025-05-14 | Коом жана турмуш

Түрк тили күнүнө карата Кыргызстанда түрк ырларынын сынагы өттү (сүрөттөр) 178 0

15:29 2025-05-14 | Коом жана турмуш

15-майга карата аба ырайы 354 0

14:50 2025-05-14 | Саясат

Жогорку Кеңеш министрликке Кендирбаева менен Орозовдун талапкерлигин колдоду 517 0

Архив

Комментарийлер (2)

Medina87

2016-04-16 16:25:57

Негизи иш-чара абдан туура ойлонулган. Маанисин жаштар эки мааниде кабыл алган чыгаар деген умуттомун.
Анткени карылар уйун жана кароосуз калган балдар уйун жууп-тазалап жатып аз да болсо тарбиялык мааниде бир сезим учкундары пайда болду болуу керек..... Кудайдан кайтат бул жакшы иштер...

bars_wire

2016-04-16 17:33:16

Эн жакшы.Озу 1айда 1 болбосода 4же 5айда ушундай иштер болуптурса андан да жакшы болмок.Бирок айрым кыздар чачтарын жайып алышып кантип иш кылышты экен.

Комментарий калтыруу үчүн өз ысымыңыз менен кириңиз же каттоодон өтүңүз.