СУПЕРСТАН: "Мени тамак жасоонун өзү зериктирет. Ошого эрте эле үйлөнүп алгам"

SUPER.KG порталынын "Суперстан" бөлүмүндө "Тамак жасоодо эмне кылуудан эринесиз?" деген тема талкууга алынууда. Айымдар үчүн даамдуу, кайталангыс тамактарды жасоону билүү негизги орунда турат. Бирок ал нерсени күн сайын жасоодо кайталанма жумуштан тажаган учур да болот эмеспи. Темада тамак жасоодогу эриктирген иштер тууралуу форумчулардын пикирлеринен:

"Эт менен пияз туурагандан эринем".

"Камыр жууруп жайганда аз эле убакытта эптеп коём, бирок баары бир "камыр жасаш керек" дегенде заарканам".

"Мени тамак жасоонун өзү зериктирет. Ошого эрте эле үйлөнүп алгам".

"Баштап алгыча отура берем жалкоолонуп, баштап алган соң арыдан-бери бышыра салам. Негизи, аял кишинин ашканасы толуп турса, бардык тамакты көңүлдөнүп, эринбей жасайт".

"Мен тамак жасаарда жашылчаларды бычак менен аарчып-тазалоодон аябай жалкоолоном. Бирөө тазалап берсе".

"Мага камыр тамак кылган жакпайт, оромо, манты. Андан көрө 40 мүнөттүн ичинде аш басып койгон оңой".

Талкууга кошулгуңуз келсе, бул жакка кириңиз.

Автор: Гулийпа Маметосмон кызы