Бишкекте "Тамашоу" Лигасынын Жазгы музыкалык фестивалы өтүп жатат

Бүгүн, 23-апрелде Бишкектеги Кааба уулу Кожомкул атындагы Спорт Ордосунда "Тамашоу" Лигасынын Жазгы музыкалык фестивалы өтүп жатат. Ага "Универсал", "Позитифф", "Кыргыз двор", "Ала Тоо", "Рота", "НКБ", "National", "Brooklyn", "Ассорти", "Ошингтон", "Ацтек", "Талас", "Восток", "Hypevent", "Мисс шоу", "Босфорд", "МК шоу", "Жигиттер", "Кыргыз style", "Келечек", "Арча-Бешик", "Эксклюзив" командалары катышууда.

Калыстар тобунун катарында тамада, "Тамашоунун" Ош шаарындагы калыстар тобунун мүчөсү Эрнис Кулназаров, "Супер-Инфо" гезитинин башкы редактору Эльвира Караева, режиссёр Рысбек Жабиров, тай-бокс боюнча Дүйнө чемпиону Шахриза Халилова, ырчылар Мерген Турган, Жийдеш Идрисова, Урмат Усенов бар.

"Тамашоу" Лигасынын Жазгы музыкалык фестивалында командалар коомдогу, маданияттагы түрдүү көрүнүштөрдү, ошондой эле белгилүү музыкалык чыгармаларга тамашалуу пародияларды айтып жатышат. Ал эми "Мурас" курама командасы социалдык тармактар тууралуу ыр ырдап, бир уюлдук телефонду сахнада сындырып салышты.

Автор: Турсунай Алымкулова
Фото: Турсунай Алымкулова