Аксы районундагы 14 миң калкы бар Кош-Дөбө айыл аймагына Иринжит каналынан сугат суу берүү бир айга кечигип жатат

“Жалал-Абад облусунун Аксы районундагы Кош-Дөбө айыл аймагына Иринжит каналынан сугат суу берүү бир айга кечигип жатат. Учурда бак-дарактарды сугаруу мезгили. Буга чейин суу апрель айынын башында берилчү",- деп билдирди SUPER.KG порталына Аксы районунун тургуну Токтобай Эсеналиев.

Аксы райондук суу чарба башкармалыгынын башчысы Ысмайыл Ибраимов суунун кеч берилишин Иринжит каналындагы оңдоп-түзөө иштеринин жүрүп жатканы менен байланыштырды. 2015-жылы Иринжит каналы 3 жеринен жарылып кеткен болчу. Аксы райондук суу чарба башкармалыгынын башчысы Ысмайыл Ибраимовдун 9-апрелде "оңдоо иштери бүтсө, 25-апрель күнү сууну коё беребиз” деп жалпы жыйында элге берген убадасы аткарылган жок.

Иринжит каналынан келген сууну Кош-Дөбө, Атана, Чие, Торук, Жаңы-Торук айылдары пайдаланат. Каналдын узундугу 7 чакырым 800 метр. 2015-жылы 23-июлда президент А.Атамбаев ачылуу аземине катышып, кызыл тасмасын кесип кеткен.

Белгилей кетсек, мамлекеттик комиссия каналдын курулушун текшерип өткөрүп ала элек. Иринжит каналы 2013-2014-жылдар аралыгында президенттин жеке көзөмөлүнө алынып, 411 миллион сом жумшалып бүткөрүлгөн.

Автор: Максат Кудайбердиев

17:11 25-04-2016

Жазылуу

РУБРИКАДАГЫ СОҢКУ КАБАРЛАР

15:29 2025-05-14 | Коом жана турмуш

15-майга карата аба ырайы 61 0

14:50 2025-05-14 | Саясат

Жогорку Кеңеш министрликке Кендирбаева менен Орозовдун талапкерлигин колдоду 245 0

14:48 2025-05-14 | Саясат

"Бөрк ал десе, баш алгандар". Депутат Алайдын 3 айылында үйлөрдүн 90-95 пайызы бузулуу алдында турганын айтты 349 0

14:32 2025-05-14 | Коом жана турмуш

Чукул билдирүү! Өлкөдө жакынкы күндөрү күн катуу ысыйт 395 0

14:30 2025-05-14 | Кылмыштар, кырсыктар

Милиция Бишкектеги өспүрүмдү сүзүп качкан жигит кармалганын билдирди 381 0

14:13 2025-05-14 | Саясат

Депутат "Таш-Көмүрдө тазаланбаган суудан улам оорулар көбөйүүдө" дейт (видео) 234 0

Архив

Комментарийлер (1)

Rifle_3

2016-04-25 20:50:12

Атамбаев барган учурда ал каналга сууну насос менен айдаган. Кийин көп убакыт суу келбей турду. Акыркы көргөнүмдө суу агып жаткан.
Алатопуларга өткөн сууну, Падыша-Ата айыл өкмөтүнөн ашырса (Ак терек каналы) Аксынын өтө көп жерлери сугат жер болот.
Эгер суу бекер акса, анда нефть газ да бекер агыш керек деген принцип менен сууну буруш керек.
Жайында Падыша ата дарыясын өзүбүз кенен колдоно албайбыз азыр. Себеби биздин президент катуу туралбаган эч качан. Атамбаев эми курч курч сүйлөй

Комментарий калтыруу үчүн өз ысымыңыз менен кириңиз же каттоодон өтүңүз.