ӨКМ. Республика боюнча жер көчкү кооптуулугунда дагы 2952 үй-бүлө жашап жатат

Жалал-Абад облусундагы Сузак районунун Кызыл-Туу айыл аймагында 1994-жылдан 2015-жылга чейин кооптуу аймакта жашап жаткан 76 үй-бүлөнү көчүрүү боюнча Өзгөчө кырдаалдар министрлиги тарабынан 2016-жылдын башынан бери 18 жолу атайын эскертмелер жергиликтүү бийликтерге берилген. Бул тууралуу аталган министрликтин маалымат кызматы 28-апрелде билдирди. Атайын эскертмелерде жарандарды кооптуу аймактардан тез арада чыгарып кетүү милдеттендирилген.

"Жарандардын көпчүлүгү көчүрүлүп чыгарылган, ал эми 27-апрелде катталган жер көчкүнүн алдында калып каза болгон бала жана бир аял, дагы бир бала берилген эскертмелерге карабай кооптуу аймакта мал жайып, кашааларын бекемдеп жүрүшкөн. Эгерде Өзгөчө кырдаалдар министрлигинин адистери кооптуу аймакты алдын ала изилдеп, кооптуу аймактарда жашап жатышкан жарандарды жергиликтүү бийлик менен бирге коопсуз жайга чыгарып кетишпегенде, адам өмүрүн жоготуулар мындан да көп болуусу мүмкүн эле.

Аталган министрликтин адистери республиканын аймактарындагы жер көчкү кооптуулугунда жашап жаткан 4016 үй-бүлөнү аныкташса, анын ичинен 1064 үй-бүлө коопсуз жайларга көчүрүлүп, чыгарылган. Ал эми дагы 2952 үй-бүлө бүгүнкү күндө ӨКМнын адистеринин атайын эскертмелерине көңүл бурбай, кооптуу аймактарда өз өмүрлөрүн тобокелге салып жашап жатышат.

ӨКМнын адистери быйыл жер титирөөлөрдүн кайра-кайра кайталанып жатышынан жана жаан-чачындын көп болгондугунан улам жер көчкүлөрдүн активдешүүсүн эскертет. Адистер эскертип, кооптуу жай катары тааныган жерлерде жашоо өтө кооптуу экендигин билдирет. Андыктан тез арада коопсуз жайларга чыгып кетүү зарыл", - деп айтылат маалыматта.

Автор: Жамалидин Парманкулов

13:26 28-04-2016

Жазылуу

РУБРИКАДАГЫ СОҢКУ КАБАРЛАР

18:52 2025-05-14 | Коом жана турмуш

Түгөлбай Казаков КМШнын "Шериктештиктин жылдыздары" сыйлыгынын лауреаты болду 100 0

18:22 2025-05-14 | Коом жана турмуш

"Кызыгуум күч болду". Кыргыз тилин 5 айда үйрөнгөн стамбулдук Юсра менен маек (видео) 235 0

18:20 2025-05-14 | Саясат

Депутат Токтошев жоокерлердин кыйноого алынышы боюнча маселе көтөрдү (видео) 194 0

18:01 2025-05-14 | Маданият, шоу-бизнес

"Аны менден кызганбагыла". Бек Борбиев бирге дуэт аткарган Назима Радбекова тууралуу пост жазды 1500 0

17:42 2025-05-14 | Саясат

"Чегирткелерге чара көрүү керек". Депутат күзүндө буудай, арпа кымбатташы мүмкүн экенин айтты 365 0

16:43 2025-05-14 | Саясат

Депутат Маматалиев кымбатчылык күчөгөнүн айтты (видео) 764 0

Архив

Комментарийлер (2)

abusait

2016-04-28 13:30:26

Кудай да" сактансан сактайм " дейт экен. Ошондуктан коопсуз жерлерде жашайлы туугандар.

admin_media

2016-04-28 15:07:44

dav312,
Саламатсызбы!
Провокациялык билдирүүлөрдүн көп болуп жатканына байланыштуу "Соңку кабар" бөлүмүндөгү "Саясат" рубрикасы менен чыккан бардык кабарларга комментарий жазуу убактылуу жабылган.

Комментарий калтыруу үчүн өз ысымыңыз менен кириңиз же каттоодон өтүңүз.