Ош. Мэр акчаны сарамжалдуу пайдаланбаган мекеме-ишканаларга акчаны калыбына келтирүүнү буйруду

Бүгүн, 29-апрелде Ош шаарынын мэриясынын кезектеги коллегиялык жыйыны өттү. Ага Ош шаарынын мэри Айтмамат Кадырбаев, Ош шаардык кеңешинин төрагасы Жапарбек Ормонов, Ош шаарындагы бардык мекеме-ишканаларынын жетекчилери, КРнын Өкмөтүнө караштуу ишканалардын шаардагы бөлүмдөрүнүн башчылары катышты.

Мэриядан кабарлашкандай, жыйында үч маселе каралды. Алгач Ош шаарынын социалдык-экономикалык өнүгүүсүнүн 2016-жылдын биринчи кварталынын жыйынтыктары жана экинчи кварталындагы милдеттери туурасында сөз болду. Андан соң Эсептөө палатасынын 2014-жылдын жана 2015-жылдын жарым жылдыгынын бюджеттик түзүлүшү жана акча каражаттарды пайдалануу боюнча маалымат берилди. Ошондой эле калктын социалдык коргоону өнүктүрүүнүн программасын ишке ашыруу боюнча аткарылып жаткан иштер айтылды.

Күн тартибинде каралган биринчи жана экинчи маселелер туурасында вице-мэр Замирбек Аскаров баяндады.

“Биринчи кварталдагы социалдык-экономикалык өнүгүү көрсөткүчүндө өсүш бар. Өткөн жылга салыштырмалуу 106 пайызды түздү. Ал эми салык маселесинде болсо 3 миллион сомго жакын акча каражаты жергиликтүү бюджетке түшпөй калды, анткени сатуудан түшкөн салыкты өз ставкасы менен берүү токтому чыккан. Учурда бюджетти толуктоо боюнча сүйлөшүүлөр жүрүүдө. Жарым жылдыктын жыйынтыгында салык жаатында да көрсөткүчтү жогорулатабыз”, - деди З.Аскаров.

Ошондой эле КРнын Эсептөө палатасы Ош шаарындагы 39 мекеме-уюм жана 8 өзүн өзү каржылоо муниципалдык ишканаларында текшерүү жүргүзгөн. Бүгүнкү коллегиялык жыйында бул маселе каралып, Ош шаарынын мэри Айтмамат Кадырбаев каржы маселесиндеги сарамжалдуу пайдаланбаган айрым
мекеме-ишканаларга каражаттарды калыбына келтирүү боюнча тапшырмаларды берди.

Баяндамачылар бүткөн соң коллегиянын токтому бекитилди.

Автор: Максат Кудайбердиев

18:40 29-04-2016

Жазылуу

РУБРИКАДАГЫ СОҢКУ КАБАРЛАР

18:52 2025-05-14 | Коом жана турмуш

Түгөлбай Казаков КМШнын "Шериктештиктин жылдыздары" сыйлыгынын лауреаты болду 100 0

18:22 2025-05-14 | Коом жана турмуш

"Кызыгуум күч болду". Кыргыз тилин 5 айда үйрөнгөн стамбулдук Юсра менен маек (видео) 235 0

18:20 2025-05-14 | Саясат

Депутат Токтошев жоокерлердин кыйноого алынышы боюнча маселе көтөрдү (видео) 194 0

18:01 2025-05-14 | Маданият, шоу-бизнес

"Аны менден кызганбагыла". Бек Борбиев бирге дуэт аткарган Назима Радбекова тууралуу пост жазды 1500 0

17:42 2025-05-14 | Саясат

"Чегирткелерге чара көрүү керек". Депутат күзүндө буудай, арпа кымбатташы мүмкүн экенин айтты 365 0

16:43 2025-05-14 | Саясат

Депутат Маматалиев кымбатчылык күчөгөнүн айтты (видео) 764 0

Архив

Комментарийлер (1)

deputat1

2016-05-01 00:13:00

Башкасын билбейм ушу жолдорду ондоп коюшса жакшы болмок, мин жамак Бир чункурдан качам деп эки чункурга тушосун. Болгону Бир чон проспекти бар борбордук кочо масалиев проспектиси Оштун кузгусу болгон жолдун акыбалына мышык деле ыйлагысы келбей калган, айласын таап жаны эле асфальт басып коюшса грант караштырып бюджеттен акча болуп кытайларга салдырышса ото чон соопко калып, элден алкыш алышар эле!!!

Комментарий калтыруу үчүн өз ысымыңыз менен кириңиз же каттоодон өтүңүз.