СУПЕРСТАН: "Балдарыңар силерден акча эмес, мээримди көбүрөөк талап кыларын унутпасаңар экен"

SUPER.KG порталынын "Суперстан" бөлүмүндө " Жашоонун айынан балдарын таштаган ата-энелер" деген тема талкууланууда.

Темадагы билдирүүлөрдөн:

"Баарыбыздын оюбуз жакшы эле, балдарыбыз эч нерседен кем болбосун, балдарыбыз чоңойгуча үй салып же алып алалы, бутка туруп алалы деп иштеп жүрөбүз. Бирок үй алгыча жылдар өтүп кетет. Биз кызыбызды 9 айлык кезинде таштап келгенбиз, албетте, сагындык, кыйналдык, ыйладык".

"Мен да кичине кызымды 6 айлыгында эмчектен чыгарып апама таштап келгем, улуу кызым 3 жашта эле. Ошол бойдон 3 жылдан кийин бардык, улуу кызым таанып, "апалап" жанымдан чыкпайт, а кичинекейимдин иши да жок, жаныма жолобой таене-таятасына качат. Эки кызым эки жакта чоңойгону үчүн бир-бирине мээрими да жок".

"Адамдарды Орусиялатып эмне гана кылбай жатат, азыркы кыргыз элинин абалы оор".

"Мүмкүнчүлүк болсо көчө шыпырсаң да балаңды жаныңа алып жүргөнүң жакшы го. Таенемдин колунда өскөн иним бар, такыр башкача. Эжемдин кызы бизде чоңойду. Алар иштеп үй салышты, баарын кылышты, бирок кызында эч кандай сезим жок. Атасы урушту эле, "мен силерди жек көрөм, кетем" деди".

"Биринчилериңди таштай берет экенсиң, өзүң да али бала болгонгобу, билбейм. Кийинкилерди кыя албай калат экенсиң, бирок таштаган баланын мээрими жок болуп калат экен".

"Ата-энелерден, өзгөчө эркектерден суранарым, эгер силер үчүн байлык өтө маанилүү болсо, аны балалуу болгуча түптөп алгылачы. Кийин балдарыңарды жалдыратып ар кимдин көзүн каратпай. Анан да балдарыңар силерден акча эмес, мээримди көбүрөөк талап кыларын унутпасаңар экен".

Талкууга кошулгуңуз келсе, бул жакка кириңиз.

Автор: Гулийпа Маметосмон кызы

08:28 04-05-2016

Жазылуу

РУБРИКАДАГЫ СОҢКУ КАБАРЛАР

18:52 2025-05-14 | Коом жана турмуш

Түгөлбай Казаков КМШнын "Шериктештиктин жылдыздары" сыйлыгынын лауреаты болду 100 0

18:22 2025-05-14 | Коом жана турмуш

"Кызыгуум күч болду". Кыргыз тилин 5 айда үйрөнгөн стамбулдук Юсра менен маек (видео) 235 0

18:20 2025-05-14 | Саясат

Депутат Токтошев жоокерлердин кыйноого алынышы боюнча маселе көтөрдү (видео) 194 0

18:01 2025-05-14 | Маданият, шоу-бизнес

"Аны менден кызганбагыла". Бек Борбиев бирге дуэт аткарган Назима Радбекова тууралуу пост жазды 1500 0

17:42 2025-05-14 | Саясат

"Чегирткелерге чара көрүү керек". Депутат күзүндө буудай, арпа кымбатташы мүмкүн экенин айтты 365 0

16:43 2025-05-14 | Саясат

Депутат Маматалиев кымбатчылык күчөгөнүн айтты (видео) 764 0

Архив

Комментарийлер (1)

miraiymka

2016-05-04 09:23:59

мен биринчи баламды буйруса чон ата чон энесине берем деп ойлой берем,кайнатам ото баласак адам бизге каратпай эле тун небересин алып коюшат болуш керек деп ойлой берем.

Комментарий калтыруу үчүн өз ысымыңыз менен кириңиз же каттоодон өтүңүз.