Бишкекте Улуу Жеңиш майрамы белгиленди (фото)

11:30. Бишкектин тургундары Жеңиш майрамына арналган концертке күбө болушууда. Ардагерлердин айрымдары үйлөрүнө тарашты, калгандары концерт көрүп отурушат. Быйылкы майрамдык иш-чара ушундай аяктады. Буга чейин айтылгандай, аскердик парад болгон жок. Ошентсе да ардагерлердин маанайлары жакшы, балдары, неберелери жетелеп майрамдатып жүрүшөт. Согуш жылдары өздөрү эңсеген тынчтык күндөр ушул...

11:11. Согуш кезиндеги автоунаалар, аскердик техникалар көргөзмөгө коюлган. Шаардыктар алардын жанында сүрөткө түшүп жатышат.

11:07. Майрамдык концерт тартууланып, согуш, тынчтык, эрдик тууралуу ырлар жаңырууда.

10:56. Ардагерлерге аскердик ботко берилип жатат. Алар дасторкон үстүндө согуш жылдарын көз алдыдан өткөрүшүүдө.

10:39. Бишкекте Улуу Ата Мекендик согуштагы жеңиштин 71 жылдыгына арналган иш-чаранын расмий бөлүгү аяктады. Атайын тигилген чатырларда эми ардагерлерге сый тамак, аскердик ботко жана "100 грамм" берилмекчи.

10:25. Мамлекет башчы согуш болуп жаткан жерлерден башка улуттардагы жүздөгөн адамдар кыргыз жергесине качып келишкенин белгиледи. "Бул жерде кыргыздар аларга камкордук көрсөтүп, жардам беришкен. Бүгүнкү күндө, тилекке каршы, скинхеддер баштарын көтөрүп жатышат. СССР жоюлгандан кийин өлкөбүздө экономиканы өнүктүрүү туура эмес жүргүзүлгөндүктөн жарандарыбыз Орусияда эмгектенүүгө мажбур. Алар орусиялыктардан сый-урмат көрүүгө укуктуу, бирок фашисттер, скинхеддер биздин жарандарыбызга терс мамиле жасашууда", - дейт президент.

10:18. Президент Алмазбек Атамбаев: "Улуу Жеңиштен бери канча жыл өтсө да ардагерлердин эрдиги унутулбайт. Фронтовиктин уулу катары ардагерлерге айтар элем: көп жашагыла, аталар, апалар. Азыркы тынчтык үчүн ардагерлер чоң салым кошушкан. Жаңы муун ардагерлер согушта кандай кыйынчылыктардан өткөнүн билбей баратат. Оор күндөрү фронттон алыс болсо дагы оорукта эмгектенген аксакалдар, апалар менен сыймыктанабыз".

10:05. Мамлекет жетекчилиги Өчпөс отко гүлчамбар койду.

09:49. Бишкекте жамгыр жаап жатат. Өчпөс оттун аянтын суу каптап, жумушчулар шыпырып жатышат.

09:30. Бүгүн, 9-майда Бишкектеги Өчпөс отто Улуу Ата Мекендик согуштагы жеңиштин 71 жылдыгына карата митинг-реквием башталууда. Иш-чарага президент Алмазбек Атамбаев, премьер-министр Сооронбай Жээнбеков, Жогорку Кеңештин депутаттары, өкмөт мүчөлөрү, шаар башкармалыгы, ардагерлер жана шаар тургундары катышмакчы.

Бишкекте Жеңиш майрамы

Бишкекте согуш ардагерлери эскерилүүдө

Улуу Жеңиштин 71 жылдыгы нөшөрлөгөн жамгыр алдында белгиленди

Автор: Нургазы Аматов
Фото: Нургазы Аматов жана Султан Досалиев

11:36 09-05-2016

Жазылуу

РУБРИКАДАГЫ СОҢКУ КАБАРЛАР

18:52 2025-05-14 | Коом жана турмуш

Түгөлбай Казаков КМШнын "Шериктештиктин жылдыздары" сыйлыгынын лауреаты болду 100 0

18:22 2025-05-14 | Коом жана турмуш

"Кызыгуум күч болду". Кыргыз тилин 5 айда үйрөнгөн стамбулдук Юсра менен маек (видео) 235 0

18:20 2025-05-14 | Саясат

Депутат Токтошев жоокерлердин кыйноого алынышы боюнча маселе көтөрдү (видео) 194 0

18:01 2025-05-14 | Маданият, шоу-бизнес

"Аны менден кызганбагыла". Бек Борбиев бирге дуэт аткарган Назима Радбекова тууралуу пост жазды 1500 0

17:42 2025-05-14 | Саясат

"Чегирткелерге чара көрүү керек". Депутат күзүндө буудай, арпа кымбатташы мүмкүн экенин айтты 365 0

16:43 2025-05-14 | Саясат

Депутат Маматалиев кымбатчылык күчөгөнүн айтты (видео) 764 0

Архив

Комментарийлер (12)

sara90

2016-05-09 10:02:18

kaap mairam kunu jamgyr jaap eldin kyzygyysyn ketirip da ..Bizde kun chaiuttai achyk Rosiiyada..

gulzar_gulu

2016-05-09 10:12:06

Майрамыңыздар менен! Былтыр да ушундай болгон. Жамгыр жаап ардагерлер жаанда калып.

miraiymka

2016-05-09 11:07:14

100 грамм дегендери жакпай калды,эмне кылышат 100 грамын

maks94.kb

2016-05-09 11:13:21

Быйыл озгоруш бар былтыр ардагерлерибиз жамгырда суу болгон эле

Musabaeva.

2016-05-09 11:56:19

Парад болбосо жок дегенде дасторконун тузугуроок жасап беришсе болот элего, акчасы жоктой тим эле((нан менен эле 100грам уят уят.

Aitpaaim

2016-05-09 12:09:23

Бай суйлоптур озу корунбойтко я.
Баарынардын женишмайрамынар менен!!!

saltanat.

2016-05-09 12:41:01

100 грамм)))))

saltanat.

2016-05-09 14:16:04

Парад эмнеге болгон жок?

narchaev

2016-05-09 15:22:20

100 гр уят эмес, бул нерсе Совет доорунан бери берилип келет, тарыхты окуш керек.

messi_1987

2016-05-09 16:21:16

Тарыхда жазылган эмес 100 гр деп! оба убагында 100 гр берип давай перёт деп согушка айдаган аны ата бабаларыбьзда айтып келет бирок китепте жазылган эмес да! бирок чынын да уят кундон кунго согуш ардагерлер азайып жатышат! аларды жакшырак сыйлап койушса болмок!

-1

meder.aralbekov

2016-05-09 21:40:47

армейский тамаш аш менен эстетип койолу деди да

ayildik_kiz

2016-05-09 22:02:59

Озгон районунун ардагерлерин укмуш сыйлашты ресторанда, азаматсынар бир кун болсо да эстеп койгонунарга.

Комментарий калтыруу үчүн өз ысымыңыз менен кириңиз же каттоодон өтүңүз.