"Пирамида" телеканалы Бишкекте 25 жылдыгын салтанаттуу түрдө белгиледи (Фоторепортаж)

Бүгүн, 13-майда Бишкек шаарындагы ресторандардын биринде "Пирамида" телеканалынын 25 жылдыгын белгилөө салтанаты өттү. Иш-чарага телеканалдын жетекчилиги, эмгек жамааты, аларды куттуктап келген Жогорку Кеңештин депутаттары, министрликтердин өкүлдөрү, ошондой эле атайын чакырылган коноктор катышты.

Кечени телеканалдын жетекчиси Нурзада Токтогулова ачып, андан кийинки сөздү телеканалда көп жылдан бери эмгектенип келген кызматкер Кымбат Калыкназарова улантты. Ал конокторго ыраазычылыгын билдирип: "Пирамида" телеканалынын алгачкы берүүсү 1991-жылы 30-декабрда эфирге чыккан. Учурда телеканалыбызга жаңы жетекчилик дайындалып, өнүгүү жолуна кадам шилтеди", - деди.

Телеканалдын эмгек жамаатын куттуктап келген КРнын Билим берүү жана илим министри Эльвира Сариева: "Пирамида" телеканалы 25 жылдан бери коомдун күзгүсү болуп келе жатат. Жетпеген элдин үнүн бийликке жеткирип, массалык маалымат каражаттарынын арасында ордун тапты", - деди.

Иш-чаранын алкагында телеканалдын 25 жылдыгын куттуктап келген эстрада жылдыздары да жагымдуу ырлары менен куттуктап, кеченин конокторуна өнөрлөрүн тартуулашты.

Автор: Гүлназ Тажибаева
Фото: Гүлназ Тажибаева

22:18 13-05-2016

Жазылуу

РУБРИКАДАГЫ СОҢКУ КАБАРЛАР

23:05 2025-05-14 | Саясат

Депутат Токтошев Акылбек Жапаров убадасын аткарбай кеткенин айтты (видео) 149 0

22:35 2025-05-14 | Коом жана турмуш

Баткен шаарында асфальт-бетон чыгарган завод ачылат 163 0

22:13 2025-05-14 | Саясат

Мирлан Самыйкожо өлкө тарыхында биринчи жолу боло турган жаңылык айтты (видео) 1152 0

21:48 2025-05-14 | Түркүн дүйнө

Атактуу блогер Гусейн Гасановго издөө жарыяланды 1013 0

21:29 2025-05-14 | Коом жана турмуш

УКМК Тилекмат Кудайберген уулу тууралуу тараган маалыматтарды четке какты 1155 0

20:52 2025-05-14 | Саясат

"Муну кандай түшүнсө болот?" Депутат МИКке нааразы болгондор көп экенин айтты (видео) 899 0

Архив

Комментарийлер (1)

Aidai5555

2016-05-15 22:52:23

Сариева "коомдун күзгүсү" деп ашыра мактап жиберген го. Бул телеканалдын кыргызча берүүлөрү барбы (жаңылыктарды кошпогондо, мен көрө элекмин),бир да жарк эткен программасы эсимде жок, мурда кечки саат 6-7лерде бир берүүсү болчу, дин жөнүндө (кайсы дин экенин билбейм, божомолумда баптисттер же Свидетели Иеговы тууралуу), анан жаман-жуман кинолорду көрсөтчү. Азыр кандай экенин билбейм, бирок күзгү эмес.

Комментарий калтыруу үчүн өз ысымыңыз менен кириңиз же каттоодон өтүңүз.