Энелер күнүндө аялзаты балдарына ден соолук каалап, бул алар үчүн эӊ негизги байлык экенин айтууда

Чынара Султанбекова: "Ушул жаңы төрөлгөн наристем аман-эсен чоңоюп, эл керегине жараган инсан болсун".

Аида Кыдырова: "Балдарыма Кудай ыйман берсин".

Дилбара Жанышева: "Мен өзүмө узун өмүр тилеймин, анткени мен өлүп калсам кызымды ким карайт?"

Лариса Алексеенко: "Менин жалгыз кызым бар. Ошол кызым эңсеген бала жытына жетсин. Көп неберелүү болоюн".

Сапаргүл Исмаилова: "Базарда иштегениме 20 жылдан ашты. Балдарымдын курсагы ток, кийими бүтүн болушун каалаймын".

Мила Рахимова: "Менин 3 балам, 6 неберем бар. Албетте, алардын өмүрүн тилеймин. Ушул неберемдин тоюнда сый көрөйүн".

Аида Исхакова: "Курсагымдагы баламдын ар бир кыймылына сүйүнүп, Кудайдан аман-эсен көз жарып алууну тилеймин".

Айнагүл Саматова: "Ушул кичинекей неберем сакайып, эл катары ойноп, жүзүнөн жылмаюу кетпесе экен деп тилеймин. Ишенесиңерби, эч бир душманыма баланын ооруганын каалабайм".

Бүгүн, 15-майда өлкө аймагында сүйүүнүн, мээримдүүлүктүн, жылуулуктун жана чыдамдуулуктун символу болгон Энелер күнү белгиленүүдө. Бул жагымдуу майрамда энелер өзүнө эмне каалай тургандыгын сурамжылап, кызыктуу жоопторго ээ болдук.

Автор: Гүлназ Тажибаева
Фото: Гүлназ Тажибаева