Ош шаарында студенттер арасында сүрөт сынагы жыйынтыкталды

Ош мамлекеттик университети сүрөт сынагын жыйынтыктады. Бул тууралуу бүгүн, 16-майда окуу жайдын басма сөз кызматы билдирди.

"Тарых жана маданият жылына карата март, апрель айларында сүрөт сынагы уюштурулду. Сынакка ОшМУнун жалпы студенттери жана мугалимдери ар түрдүү жанрда жана техникадагы көркөм сүрөт чыгармалары, графика, скульптура жана декоративдик колдонмо өнөрлөрү менен катышышты. Сынактын шарттарына ылайык, ар бир чыгарма ОшМУнун башкы имаратында жалпы көрүүчүлөргө тартууланды. Жыйынтыгында жеңүүчүлөр акчалай сыйлыктарга ээ болушту", - деп билдирди басма сөз кызматы.

Автор: Акназар Сулайманкулов
Фото: Окуу жайдын басма сөз кызматы