Эл аралык музейлер күнү өлкөнүн бардык аймактарында өткөрүлүп жатат

Кыргыз Республикасында Эл аралык музейлер күнү белгиленүүдө. Бул тууралуу бүгүн, 19-майда Кыргыз Республикасынын Маданият, маалымат жана туризм министрлигинин басма сөз кызматы билдирди.

Маалыматка ылайык, Эл аралык музейлер күнү өлкөнүн бардык аймактарында жана борбор калаада өткөрүлүп жатат. Майрамдык иш-чаралар ушул жылдын 25-майына чейин улантылат.

Белгилей кетсек, өлкө боюнча 58 музей, анда кызмат кылган 700дөн ашуун кызматкерлер эмгектенишет. Ал эми музейлердеги экспонаттардын саны 200 миңге жетет.

Автор: Акназар Сулайманкулов
Фото: Басма сөз кызматы