СУПЕРСТАН: "Биринчи мугалимим мектепте шоктук кылсам, өпкөмдү жулуп колума карматып коёр эле"

SUPER.KG порталынын "Суперстан" бөлүмүндө "Менин биринчи мугалимим" деген тема талкууга алынды.

Темадагы билдирүүлөрдөн:

"Менин биринчи мугалимимдин аты - Анаркан. Ал менин адабиятка болгон кызыгуумду арттырып, Манас баянын айтканды, көркөм окуганды үйрөткөн. Бирок шартка байланыштуу мен анын колунда бир жыл эле билим алып калдым. Азыр ага жолукканымда тизелеп отуруп ыраазычылыгымды билдирет элем. Билим берген мугалимдердин өмүрлөрү узун, жашоолору ширин болсун!"

"1-класста бизге Тоту деген эжеке сабак берген. Ал эжекебизди аябай жакшы көрчүбүз. Сабакка келгенде кызын апасыныкына таштап, сабактан кийин биз барып алып келчүбүз. Кызын алып келгенге баратканда ушунчалык кубанчу элек, эжекебизге жардам берип жатабыз деп ойлочубуз да. Аябай жакшы көрчүмүн. Бирок чоң класс болгондо деломду карасам, мени анча-мынча жамандап жазып коюптур. Ошондон кийин жакпай калган".

"Менин биринчи мугалимим өзүмдүн таежем болгон. Андан аябай коркчумун, анткени мектепте шоктук кылсам, өпкөмдү жулуп колума карматып коёр эле. Үйдөн да мени катуу окутуп, туура эмес жазып алсам, колумдан чымчып, баракты жулуп ыргытып, кайра жаздырчу. Кыскасы, 1-класста коркуп-үркүп жүрүп эле окугам. Кийин 2-классымда ал турмушка чыкканда апам кайгырып ыйласа, мен жыргагам. Эркиндик деген нерсе менен ошондон бери жакшы таанышмын. Азыр деле ал таежемдикине баргым келбейт".

"Менин биринчи эжекемдин аты Анипа болчу, көзү өтүп кетти. Мени кызындай жакшы көргөн жана мен үчүн дайыма күйпөлөктөгөн адам эле. Балким, бүгүнкү бардык ишмердигим эжекеме байланыштуу чыгар. Чынында, ал менин жашоомдогу эң маанилүү адам экендигин так билем".

Талкууга кошулгуңуз келсе, бул жакка кириңиз.

Автор: Гулийпа Маметосмон кызы

18:36 20-05-2016

Жазылуу

РУБРИКАДАГЫ СОҢКУ КАБАРЛАР

00:51 2025-05-15 | Түркүн дүйнө

Франциядагы зоопаркка чагылган тийип, 13 киши жабыркады 88 0

00:22 2025-05-15 | Түркүн дүйнө

Жаңы Рим папасы согушуп жаткан өлкөлөрдүн лидерлерин сүйлөшүүгө чакырды 152 0

23:42 2025-05-14 | Түркүн дүйнө

Эрдоган Трамптын чечими башка өлкөлөр үчүн үлгү болорун айтты 433 0

23:05 2025-05-14 | Саясат

Депутат Токтошев Акылбек Жапаров убадасын аткарбай кеткенин айтты (видео) 436 0

22:35 2025-05-14 | Коом жана турмуш

Баткен шаарында асфальт-бетон чыгарган завод ачылат 319 0

22:13 2025-05-14 | Саясат

Мирлан Самыйкожо өлкө тарыхында биринчи жолу боло турган жаңылык айтты (видео) 1900 0

Архив

Комментарийлер (5)

lolo.1

2016-05-20 18:52:44

Кантип эле опконду жулуп колуна карматып койсун

zhykyo

2016-05-20 21:27:16

Элестетип жатам опкосун колуна кармап алып ыйлап жатканын оййййооооо депчи

zaman2

2016-05-20 22:21:59

Owondo kancha jolup koluna karmadyn opkondu?tagyraak aityp koyosunbu?

temirov76

2016-05-21 18:23:16

zaman2,силер азыркы замандын окуучулары окшойсунар,союз мезгилинде мектепте кутурсан опконду эле эмес башынды да жулуп алгыдай кылып мугалимдер тарбиялап сабак берчу,ага эч ким унчуга алчу эмес,азыр эми урмак тугул мугалим акырая караса да соттошуп тытышып жатып калат.

taro

2016-05-21 02:02:52

Мени доскага суздурот эле

Комментарий калтыруу үчүн өз ысымыңыз менен кириңиз же каттоодон өтүңүз.