СУПЕРСТАН: "Мен азыр сүйлөшүп жүргөн кызым менен "Супердин" форумунан таанышкам"

SUPER.KG порталынын "Суперстан" бөлүмүндө "Сүйгөнүңүз менен кантип таанышкансыз?" деген тема талкууга алынууда.

Темадагы билдирүүлөрдөн:

"Мен азыр сүйлөшүп жүргөн кызым менен ушул эле форумдан таанышканмын. Жаңыдан таанышып жатканымда форумдан чыкпай калган күндөр болгон. Ал сулуу чатта болбой калса куса болчумун. Азыр мамилебиз, көз тийбесин, жакшы".

"Мени жигитим менен эски таанышым тааныштырган. Диплом жазып эч нерсеге жетишпей, жумуштан келатсам досу менен үйгө келиптир. Башында анча көңүл бурган эмесмин. Ал мага диплом жазууда жардам берип жүргөн, анан эле сүйүп калдым".

"Мен сүйгөн адамым менен университетте окуп жүргөндө лекцияга чогуу кирип жүрүп таанышкам. Ортодо сонун көз ирмемдер болду, бирок азыр эки башкабыз. Кийин көңүлүмдү калтырды, азыр ага деген сезимдерим өчкөн".

"Мен 2002-жылкымын. 2003-жылкы кыз менен сүйлөшүп жүрөм, бири-бирибизди сүйөбүз, бирок жашпыз, бул сезимибиз чоңойгуча уланар бекен?.. Ошол кыз менен бактылуу болор бекем?.."

"Ал күнү мен түнкү нөөмөттө элем. Ал досу экөө досунун аялын төрөтканага алып келишти. Ал менден бир врачты сурап, сөзгө тартып тааныша баштады. Бирок мен анын атын да сурабаптырмын, 2 күндөн кийин сүрүштүрүп номеримди таап, чалып жүрүп жактырышып калдык. Буюрса, күзүндө тоюбуз болот. Өмүр бою бирге бактылуу жашоо насип этсин".

Талкууга кошулгуңуз келсе, бул жакка кириңиз.

Автор: Гулийпа Маметосмон кызы