Бишкек шаары "КВН-55" желек эстафетасына катышат

Ушул жылдын февраль айында олимпиадалык оттун КВНдик аналогу башталган. Ал 10-ноябрда Москва шаарында аяктап, эстафетанын желеги жалпы 75 шаарды кыдырат. Желек Бишкек шаарына да ушул жылдын 11-октябрында алынып келет. Бишкекке чейин желекти Астана кабыл алат, ал эми Бишкек шаарынан кийин Омскиге жөнөйт. Бул тууралуу маалымат КВНдин расмий сайтында жарыяланды.

"КВН-55" - оюндун мааракелик жылындагы маанилүү иш-чаралардын бири. Бул олимпиадалык оттун КВНдик аналогу болуп эсептелет. Анын алкагында клубдун желеги Эл аралык союздун лигасы бар 75 шаарды кыдырат (87 Эл аралык союздун лигасы бар)", - деп жазылат маалыматта.

Эстафета 16-февралда Москвада өткөн жаңы сезондун оюнунда башталган. Желек учурда Брянск шаарында. Ал 12-ноябрда Москвада өтүүчү КВНдин 55 жылдыгына арналган салтанатында илинет.

Автор: Турсунай Алымкулова