Бишкекте 14 892 бүтүрүүчү үчүн акыркы коңгуроо кагылды, алардын катарында ырчы Айым Айылчиева да мектеп менен коштошууда

Бүгүн, 27-майда Бишкек шаарындагы мектептердин 14 892 бүтүрүүчүсү үчүн акыркы коңгуроо кагылды. Алардын 5380и 11-классты бүтүрүп жатышса, 9512си 9-классты аяктап жатышат.

Борбор калаадагы №6-мектеп-гимназиясынын Акыркы коңгуроо салтанаты оюн-зоок менен коштолду. Мектеп бүтүрүүчүлөрү чыгармачылык өнөрлөрүн тартуулап, 1-класстын окуучулары аларды узатышты. Аталган мектепти 125 окуучу аяктап жатканын №6-мектеп-гимназиянын жетекчиси Айгүл Шимова билдирди.

"Сабактан жетишпей, сынакка кирбей кала тургандар жок. Биздин мектептен Болот Шамшиев, Алмаз Исманкулов сыяктуу бир катар белгилүү адамдар билим алышкан. Алар биздин окуучулар үчүн үлгү. Билим берүү жана илим министринин буйругуна ылайык, окуучулар кафе-ресторандарда коштошуу кечесин уюштурушпайт. Азыр класстарга жайгашып, чакан түрдө белгилейбиз", - дейт мектеп жетекчиси.

Ошондой эле мектеп жашоосу менен коштошуп жаткан ырчы Айым Айылчиева дагы келечек пландары менен бөлүштү.

"Албетте, мектепти бүтүрүп жатканыма өкүнүч да, кубануу да сезимдери болуп жатат. Дагы бир ай убактыбыз бар, мамлекеттик сынактарды тапшырып, бир айдан кийин бул мектептен биротоло кетебиз. Классташтарымдын баарына кең келечек каалаймын. Өзүм болсо 100 пайыздык жеңилдетүү менен Борбордук Азиядагы Америка университетине тапшырам. Азырынча факультетти тандай элекмин", - дейт ырчы.

Эскерте кетсек, 27-майда саат 9:00дөн баштап 28-майда таңкы саат 8:00гө чейин Билим берүү башкармалыгынын кызматкерлери, мектеп директорлору жана ата-энелер кезеги менен күзөттө болушат. Андан сырткары шаар боюнча Билим берүү башкармалыгынын жана Бишкек ИИББинин коомдук коопсуздук бөлүмүнүн Жашы жете электердин иши боюнча инспекциясынын кызматкерлеринен турган мобилдүү топтор иштемекчи. Ошондой эле коопсуздукту жалпысынан шаар боюнча 500 укук коргоо органдарынын кызматкерлери камсыздашат.

10 жылдык жолугушуу кечесинен баш тартуу салтка айланууда

Автор: Гүлназ Тажибаева

12:38 27-05-2016

Жазылуу

РУБРИКАДАГЫ СОҢКУ КАБАРЛАР

00:51 2025-05-15 | Түркүн дүйнө

Франциядагы зоопаркка чагылган тийип, 13 киши жабыркады 176 0

00:22 2025-05-15 | Түркүн дүйнө

Жаңы Рим папасы согушуп жаткан өлкөлөрдүн лидерлерин сүйлөшүүгө чакырды 275 0

23:42 2025-05-14 | Түркүн дүйнө

Эрдоган Трамптын чечими башка өлкөлөр үчүн үлгү болорун айтты 575 0

23:05 2025-05-14 | Саясат

Депутат Токтошев Акылбек Жапаров убадасын аткарбай кеткенин айтты (видео) 531 0

22:35 2025-05-14 | Коом жана турмуш

Баткен шаарында асфальт-бетон чыгарган завод ачылат 371 0

22:13 2025-05-14 | Саясат

Мирлан Самыйкожо өлкө тарыхында биринчи жолу боло турган жаңылык айтты (видео) 2144 0

Архив

Комментарийлер (9)

Nurjan15

2016-05-27 12:48:59

Формалары кантет эч болбогондо жакшына бирдей кийинсе болмок тим более гимназия болгондон кийин ) Юбкалары бири кыска узун жок дегенде-бирдей юбка кийсе да соонун чыкмак бул кун кайра келбейт бизда атайын бутуруучуго окшош кийгенбиз бирок мен чыккан эмесмин )

sema.kgz

2016-05-27 14:19:31

Nurjan15,чыкпасан ажап босун

Asan-aka

2016-05-27 13:40:12

барын кийинет жок болсо эмне

Rifle_3

2016-05-27 14:03:27

Asan-aka,бар, алып жатканда атайын ушундай алышат.

Rifle_3

2016-05-27 14:03:53

Бутконуно кубанышат, алдыда чыныгы жашоо кутуп жатканы менен кабары жок.

Rahim76

2016-05-28 02:13:55

Rifle_3,Мезгил келсе бутот анан.Бутуруу кечесинде ыйласынбы турмуш башына келгенде тушунот.

nargis

2016-05-27 14:59:16

Кандай сонун окуучулук кундо артка кылчайсам бат эле отуп кетиптир,буйурса 2жылдан кийин 20жыл болот экен эх.Бутуруучулор силерге кен келечек каалайм жаштыгынарды туура пайдалангыла ийгиликтер коштоосун.

altyshka_23

2016-05-27 21:46:08

Айыма аябай жагат мага,жонокойлугу менен,жакшы тарбия алганы жузунон билинип турат.Ийгилик каалаймын

sgushenka

2016-05-28 02:05:49

Акыркы конгуроонун ушундай мектептин ичинде, спортзал же актовый залда болгону жакпайт(. Мектептин астында эшикте, асфальтка сурот тартылуу, желектер, шарлар илинуу..., кандай сонун коз ирмемдер!!! Мектепти бутконумо 12жыл болду.

Комментарий калтыруу үчүн өз ысымыңыз менен кириңиз же каттоодон өтүңүз.