Кадамжай районундагы сел болжол менен 74 миллион 741 миң сомдой зыян алып келди

Кадамжай районунда 27-28-май күндөрү нөшөрлөп жааган жамгырдын кесепетинен Кадамжай шаардык мэриясынын Жийделик айылында, Орозбеков, Көтөрмө, Масалиев, Үч-Коргон, Марказ айыл аймактарында сел жүргөн. Селдин кесепетинен көптөгөн зыяндар болду.

Райондук комиссия жана Өзгөчө кырдаалдар министрлигинин кызматкерлери жүргүзгөн изилдөөлөрдүн жыйынтыгында 238 турак үй иликтенип, анын ичинен 4 турак үй авариялык абалда, 7 турак үй кооптуу жайдан көчүрүүгө муктаж экени аныкталды. Келтирилген материалдык чыгым болжол менен – 9 281 620 сом.

Селден ички жолдор, көпүрөлөр, арыктар, таза суу жана газ менен камсыз кылуучу темир түтүктөр жараксыз абалга келип, 21 унааны сел баскан. Болжол менен чыгым 53 706 000 сомду түзөт.
Ал эми энергетика тармагында 42 электр мамысы селден кулап, 2260 метр электр чубалгылары үзгүлтүккө учурап, 4480 үй электр жарыксыз калган. Болжолдуу материалдык чыгым 2 853 465 сомго барабар.

Селдин кесепетинен каналдардын айрым жерлери кум-шагылга толуп, сугат жерлерди суу менен камсыз кылуу үзгүлтүккө учураган. Болжол менен келтирилген материалдык чыгым – 800 000 сом.

Ош-Айдаркен автоунаа жолунун 125-132-чакырымындагы унаа жолунун оң тарабындагы тоо тилкелеринен 15 жерден сел жүрүп, жалпы 2460 метр аралыкка болжол менен 48 797 метр кубга барабар кум-шагыл толуп, жол каттамы убактылуу токтогон. Транспорт тармагына болжол менен 8 100 000 сомдук зыян келтирилди.

Район боюнча келтирилген материалдык чыгым болжол менен 74 741 085 сомду түздү. Райондук жарандык коргоо комиссиясы тарабынан иликтөөлөр жүргүзүлүүдө, материалдык чыгым өзгөрүшү мүмкүн.

Автор: Үмүт Абдраимова

12:19 30-05-2016

Жазылуу

РУБРИКАДАГЫ СОҢКУ КАБАРЛАР

00:51 2025-05-15 | Түркүн дүйнө

Франциядагы зоопаркка чагылган тийип, 13 киши жабыркады 176 0

00:22 2025-05-15 | Түркүн дүйнө

Жаңы Рим папасы согушуп жаткан өлкөлөрдүн лидерлерин сүйлөшүүгө чакырды 275 0

23:42 2025-05-14 | Түркүн дүйнө

Эрдоган Трамптын чечими башка өлкөлөр үчүн үлгү болорун айтты 575 0

23:05 2025-05-14 | Саясат

Депутат Токтошев Акылбек Жапаров убадасын аткарбай кеткенин айтты (видео) 531 0

22:35 2025-05-14 | Коом жана турмуш

Баткен шаарында асфальт-бетон чыгарган завод ачылат 371 0

22:13 2025-05-14 | Саясат

Мирлан Самыйкожо өлкө тарыхында биринчи жолу боло турган жаңылык айтты (видео) 2144 0

Архив

Комментарийлер (4)

ekaterinburg

2016-05-30 13:52:13

Багы жокко дагы жок болду го аттин...

KGstan1981

2016-05-30 14:54:00

Кадамжайда сель журуп жатканда Чуй обустунун тузулушунун 90 жылдык марекеси юбилейи болуп жаты.Ошого окшогон 90-100жылдык юбилейлерге он милиондогон сом акчалар сарпталат.Ал тойлордо кимдер жыргашат чиновниктер мамлекеттин эсебинен беш-бармак плов жэишип курсактары чыгып жада калса зонтиктерди дагын жардамчыларына которгузуп коюшат.Мен айтарым юбилейлерге кете турган акчаларга табияттын кырсыктарын кесепетерин кайра куруга сарпташса болот

kg-bala87

2016-05-30 16:55:08

KGstan1981, туура айтасын каяктагы эле майрамдар

Medina87

2016-05-30 23:53:05

АША Чуйдун жабагысы болгон менен Баткендин кулунуу...

Комментарий калтыруу үчүн өз ысымыңыз менен кириңиз же каттоодон өтүңүз.