ЖЫЛНААМА, 3-ИЮНЬ: Тарыхтагы мыкты теннисчилердин бири Рафаэль Надаль 30 жашка толду

Атактуу испаниялык теннисчи, Чоң шлем түркүмүндөгү мелдештердин 14 жолку чемпиону Рафаэль Надаль бүгүн, 3-июнда 30 жашка толду. Ал 1986-жылы Испаниянын Манакор аймагында төрөлгөн.

Сологой спортчу карьерасында жекеликте бир катар жеңиштерге жетишкен. Алардын катарында "Бээжин-2008" Олимпиадасынын алтын медалы да бар. Чоң шлем түркүмүндөгү мелдештердин 14 жолу уткан. Тактап айтканда, 9 ирет Франциянын Ачык биринчилигин, 2 ирет АКШнын Ачык биринчилигин жана 2 ирет Уимблдон мелдешинде чемпион болгон. Бир ирет Австралиянын Ачык биринчилигинде жеңишке жетишкен. Бул мелдештердин баарын утканы үчүн ага "Алтын шлем" наамы берилген.

Кезинде дүйнөнүн 1-ракеткасы катары белгилүү болгон.

3-майдын жылнаамасы.

Автор: Максат Кудайбердиев