1852-жылы: Токмоктун алдындагы чабышта Ормон хан баштаган кыргыздар казак ханы Кененсарынын мизин кайтарып, Иле суусунун башын ээлеп алышкан. (160 жыл мурун.)

1930-жылы: Фашисттик Германияны башкарган улутчул-социалисттердин гимнин (Хорст Весселдин ыры деп да белгилүү) жазган акын Хорст Людвиг Вессель көз жумган. (82 жыл мурун.)

1943-жылы: Орус генералы, Советтер Союзунун 2 жолку Баатыры Григорий Кравченко согуш талаасында баатырларча курман болгон. (69 жыл мурун.)

1944-жылы: Иосиф Сталин Чечен-Ингуш Автономиялуу Республикасын жоюп салган. Натыйжада 493 миңден ашуун чечен менен ингуштар Орто Азия менен Казакстанга депортацияланып, 6 миңден ашууну тоого чыгып кеткен. (68 жыл мурун.)

1944-жылы: Актёр, режиссёр, СССРдин Эл артисти Олег Янковский туулган. (68 жыл мурун.)

1953-жылы: Англияда Экинчи дүйнөлүк согушта дезертирлик үчүн абакка алынган 14 миң адам эркиндикке чыгарылган. (59 жыл мурун.)

1954-жылы: Украинанын экс-президенти Виктор Ющенко төрөлгөн. (58 жыл мурун.)

1962-жылы: “Эне-Сай” тобунун негиздөөчүсү, музыкант Курмангазы Азыкбаев туулган. (50 жыл мурун.)

1973-жылы: Кыргыз элинин Эмгек сиңирген артисти жана Эл артисти Роза Аманова жарык дүйнөгө келген. (39 жыл мурун.)

1983-жылы: Актриса Айжан Акылбекова төрөлгөн. (29 жыл мурун.)

1983-жылы: Британиялык актриса Эмили Блант жарык дүйнөгө келген. (29 жыл мурун.)

1999-жылы: Югославиянын өкмөтү косоволук сепаратисттер менен куралдуу кагылышууну токтотуу боюнча макулдашууга кол койгон. (13 жыл мурун.)

2003-жылы: Кыргызстан эгемендүүлүгүн алгандан бери биринчи жолу 23-февраль Мекен сакчыларынын күнү катары белгиленген. (9 жыл мурун.)

2008-жылы: Угандада жарандык согуш токтогондугу жарыяланган. (4 жыл мурун.)