Бүгүн "EXPO: Made in Kyrgyzstan" көргөзмөсүндө чет элдик ишкерлер кымыздан жасалган балмуздакты тамшанып жеп жатышты

"Мага шырдак, жүндөн жасалган куурчактар жакты. Кымыздан, талкан менен жасалган балмуздактар аябай даамдуу экен. Мындайды өмүрүмдө биринчи жолу жеп жатам", - дейт Шимода Юкики.

Көргөзмөдө чет элдик жарандар кымыздан жасалган балмуздакты тамшанып жеп жатышты.

Иш-чаранын катышуучусу Жээнбек Мамырканов шырдак жасаган ишканага чет өлкөлүк ишкерлер кызыгып жатышканын билдирди.

Бүгүн, 3-июнда Бишкекте Токтоболот Абдумомунов атындагы Кыргыз улуттук драма театрында "EXPO: Made in Kyrgyzstan" Эл аралык көргөзмөсү алгачкы жолу өтүүдө. Көргөзмөгө кыргыз жеринде өз продукциясын чыгарган жана тейлөө тармагында иш алып барган 55ке жакын компания катышууда.

"Иш-чаранын максаты - жергиликтүү ишканалардын мүмкүнчүлүктөрүн көрсөтүп, аларды эл аралык деңгээлде таанытуу, жергиликтүү өндүрүүчүлөргө инвесторлорду, өнөктөштөрдү табуу", - дейт көргөзмөнүн уюштуруучусу Зарина Чекирбаева.

Көргөзмөдө чет элдик жарандар кымыздан жасалган балмуздакты тамшанып жеп жатышты. Япониядан келген Шимода Юкики кыргыздардын колунан жаралган буюмдар, улуттук тамак-аштар таң калтырганын айтты.

Ошондой эле иш-чаранын катышуучусу Жээнбек Мамырканов шырдак жасаган ишканага чет өлкөлүк ишкерлер кызыгып жатышканын билдирди.

"Көргөзмөдө Япония, Франциядан келген ишкерлер кызыгып, даректерибизди жазып кетишти. Албетте, чет өлкөдө кыргыздын маданий мурасын даңазаласак кандай сонун болот", - дейт Жээнбек Мамырканов.

Белгилей кетсек, иш-чаранын алкагында эртең, 4-июнда чет өлкөлүк ишкерлер менен жолугушуу болмокчу. Алар кыргыз ишкерлери үчүн мастер-класстарды өткөрүшөт.

Автор: Гүлназ Тажибаева
Фото: Гүлназ Тажибаева

15:08 03-06-2016

Жазылуу

РУБРИКАДАГЫ СОҢКУ КАБАРЛАР

00:51 2025-05-15 | Түркүн дүйнө

Франциядагы зоопаркка чагылган тийип, 13 киши жабыркады 252 0

00:22 2025-05-15 | Түркүн дүйнө

Жаңы Рим папасы согушуп жаткан өлкөлөрдүн лидерлерин сүйлөшүүгө чакырды 345 0

23:42 2025-05-14 | Түркүн дүйнө

Эрдоган Трамптын чечими башка өлкөлөр үчүн үлгү болорун айтты 696 0

23:05 2025-05-14 | Саясат

Депутат Токтошев Акылбек Жапаров убадасын аткарбай кеткенин айтты (видео) 637 0

22:35 2025-05-14 | Коом жана турмуш

Баткен шаарында асфальт-бетон чыгарган завод ачылат 423 0

22:13 2025-05-14 | Саясат

Мирлан Самыйкожо өлкө тарыхында биринчи жолу боло турган жаңылык айтты (видео) 2361 0

Архив

Комментарийлер (12)

akyn-jurogu

2016-06-03 15:11:03

Молодцы! Сыймыктанчу иш кылып атыпсынар! Кымыздан балмуздак кандай болоор экен...

bayana1987

2016-06-03 15:16:46

akyn-jurogu, абдан сонун болот. Даамы тим эле таңдайда калат. Барып жеп көрсөңүз.

akyn-jurogu

2016-06-03 15:20:43

bayana1987, сен жеп кордунбу?

Rifle_3

2016-06-03 15:48:02

bayana1987,кымызды тоңдуруп коет бекен же башка нерселерди да кошот бекен ?

-1

Keremet008

2016-06-03 15:29:38

ООО кудай ай ушинтип кантип кымызды бузуп балмуздак жасасын?! Кымызды кымыз боюнча ичкен жакшы эмеспи,кучтуу кылып ачытып жакшы кымыз ичкенде адам бир силкинип ала тургандай кылып жасаш кк кымызды. Андан коро бакалдарды морозилкага тондуруп кымызды ошо бакалга куйуп беришпептир ото соонун моокумуну кандырат эле. Кымызды бурмалап не зарыл...

-3

Rifle_3

2016-06-03 15:49:48

Keremet008,антейин десең чучук бургер деп да чыгышты го. Азыр эптеп бир жакшы нерсе ойлоп тапсаң,акча болуп жатат да.
Кымызды да чучукту да жеп жатабыз, бирок бурмаланганы башкачараак болгону үчүн кызыгуу болот окшойт.

Keremet008

2016-06-03 18:10:03

Rifle_3,ким билет кимге кандай жакшы...? именно мага кымызды бурмалаганы жакпай жатат

-1

Keremet008

2016-06-03 15:32:12

Ээээх Алайдын тээ кок шибердуу долонолуу жайлоолорунун кымызына эмне жетсин.

Almaz-93

2016-06-03 15:48:03

Эн сонун мен таза кийизден калпак алат элем

-1

Kani1994

2016-06-03 16:17:11

акыркы сүрөттөгү оң жактагы кыз,сол жактагы эркекпи?чачын да байлап алганбы?

-1

Rahim76

2016-06-03 16:37:15

Kani1994,кыздарды пайлап отурасынбы сулуубу экен деп

Kani1994

2016-06-03 17:06:54

Rahim76,сүрөттөрдү карап атып,КЫЗбы же БАЛАбы?айырмалай албай койдум!ошол үчүн сурадым!

Комментарий калтыруу үчүн өз ысымыңыз менен кириңиз же каттоодон өтүңүз.