ЖЫЛНААМА, 4-ИЮНЬ: Америкалык актриса Анжелина Жоли 41 жашка толду

Америкалык актриса, режиссёр, сценарист жана фотомодель Анжелина Жоли 41 жашка толду. Ал 1975-жылы 4-июнда АКШнын Лос-Анжелес шаарында туулган. Анын атасы - 1978-жылы "Үйгө кайтып келүү" аттуу фильминдеги ролу үчүн "Оскар" сыйлыгын алган белгилүү актёр Жон Войт, ал эми апасы Марселина Бертран убагында модель болгон.

Анжелинанын 2 жашар кезинде ата-энеси ажырашып кетишкен. Ар кандай ушактардан чочулаган апасы Анжелина менен уулу Жеймсти алып Нью-Йорк шаарына көчүп кетүүгө аргасыз болгон.

"Оскар", "Алтын глобус" жана башка көптөгөн сыйлыктардын ээси Анжелина Жоли алгач 1982-жылы "В поисках выхода" тасмасына тартылып, кийин "Лара Крофт: Расхитительница гробниц", "Лара Крофт: Расхитительница гробниц. Колыбель жизни" тасмаларындагы ролдору аркылуу атактуулукка жеткен.

Актриса 2009-жылы, 2011-жылы, 2013-жылы "Forbes" журналынын версиясы боюнча эң көп акча төлөнгөн актриса деп табылган.

4-июндун жылнаамасы.

Автор: Максат Кудайбердиев