Бишкектеги Аламүдүн суусунун үстүнөн өткөн көпүрө реконструкциядан кийин ачылды

Капиталдык курулуш башкармалыгы билдиргендей, реконструкциядан кийин Чүй кең көчөсүн кесип өткөн Аламүдүн суусунун үстүнөн өтчү көпүрө реконструкциядан кийин ачылып, ишке берилди.

Көпүрөнү реконструкциялоо иштери 2015-жылдын сентябрь айында башталган. Алгач көпүрөнүн туурасы 15 метрди түзсө, азыр ал 6 тилкелүү болуп, туурасы 19,2 метрге кеңейтилди. Жолдун эки четиндеги туурасы 3 метр болгон тротуарларды кошкондо жалпысынан 34 метрди түзгөнүн Бишкек шаардык мэриясынын басма сөз кызматы билдирди.

Бул көпүрөнүн реконструкциясына шаардык бюджеттен 39,9 миллион сом бөлүнгөн.

Автор: Рахатбек Рысалиев
Фото: Бишкек шаардык мэриясы