"Эдил №50-СИЗОдон качты, өмүр бою эркинен ажыратылды, бирок уулум чымынды да өлтүрбөйм дечү" дейт Эдил Абдрахмановдун апасы

"Эдил №50-СИЗОдон качты, өмүр бою эркинен ажыратылды, бирок уулум чымынды да өлтүрбөйм дечү", - дейт Эдил Абдрахмановдун апасы Эркебүбү Абдрахманова.

Чүй облусунун Төмөнкү-Нооруз айылындагы №50-СИЗОдон качкан кылмышкер Эдил Абдрахмановдун апасы Эркебүбү Абдрахманова SUPER.KG порталына төмөндөгүлөрдү билдирди:

"Эдил №50-СИЗОдо 2010-жылдан бери жатат. Баламды өмүр бою эркинен ажыратып жиберишти. Артында чырактай болгон 1 уул, 2 кызы, жубайы калды. 2010-жылы балам камалганда 24 жаштагы жигит эле.

Эдил бала кезинде абдан боорукер болчу. Жадакалса адамдар көңүл бурбаган чымынды өлтүрүүгө колу барбай, бөлмөдөн жууркандын сырты менен кууп чыкчу. Кыргыздын канында бар асыл сапат баламда да бар экенин байкагам. Ар бир адамдын колунан келе бербеген меймандос, кең пейил болчу. Үйгө бейтааныш адам келсе да жан-алы калбай киргизип, жок дегенде нан ооз тийгизип чыгарчу".

Эдил Абдрахмановдун апасы уулунун алдыга койгон максаттары жөнүндө да айтып берди: "Апа, мен шартка байланыштуу жогорку окуу жайынан окубай калдым, аскерге да барбадым. Эми мен каражат чогултуп, чоң бизнес баштаймын. Сиздерди татыктуу багып, мен жетпей калган максаттарыма балдарымды жеткирем" деп көп айтчу. Эми минтип Кудайдын жазганы болуп, өмүр бою эркиндикти эңсеп абакта жатат".

"Абактагы кызматкерлерди өлтүрүп качкан кылмышкерлердин арасында Эдил да болгон. Бирок соттук отурумда аны менен чогуу качкан Музафар Уринов айтып жатпайбы, "Эдилдин колуна балка берип, абактын күзөтчүсүн өлтүр десе боору ооруп өлтүрбөй койгон" деп. Ошондон улам "бала кездеги боорукердик сапаты азыркыга чейин сакталып калган турбайбы" деп ойлоп калдым. Эдилдин дагы бир айтканы бар, "Мен күнөөсүз камалып кеттим. Тагдырга жазганы ушул экен, апа, кейибеңиз" деп.
Улуу балам жүрөк оорусунан каза болуп, Эдилим минтип өмүр бою темир тор артында калды. Эч бир эне мендей болуп армандап, жүрөгү сыздабасын", - деп кошумчалады Эркебүбү Абдрахманова.

СИЗОдон качып кеткен, өмүр бою эркинен ажыратылган Абдрахмановдун апасы Эркебүбү эже баласы тууралуу

Автор: Акназар Сулайманкулов
Фото: Акназар Сулайманкулов

16:05 09-06-2016

Жазылуу

РУБРИКАДАГЫ СОҢКУ КАБАРЛАР

09:36 2025-05-15 | Коом жана турмуш

Бишкекте "102" тасмасынын жабык көрсөтүүсү өттү (видео) 24 0

09:35 2025-05-15 | Коом жана турмуш

"Кызыгуум күч болду". Кыргыз тилин 5 айда үйрөнгөн стамбулдук Юсра менен маек 903 0

09:32 2025-05-15 | Түркүн дүйнө

Путин менен Зеленский Стамбулга сүйлөшүүгө ким барарын чечти 132 0

08:50 2025-05-15 | Коом жана турмуш

Өлкөдө бала бакча жетекчилеринин бош кызмат орундарына сынак жарыяланды 139 0

08:30 2025-05-15 | Коом жана турмуш

"Браконьерлер чабуулун токтотпой". Ысык-Көлдө эс алуучу жайлардын жээктерин тазалоо күчөтүлдү (видео) 266 0

08:12 2025-05-15 | Коом жана турмуш

Ошто мал сарай бузулуп, ордуна жаңы эс алуу жайы курулду 419 0

Архив

Комментарийлер (10)

Ulan_eshbaev87

2016-06-09 16:12:45

Байкуш Эне учун балага болгон меерим чексиз. Кейибениз бул жалган дунуйо убактылуу. Акыретде Аллахтын алдында билинет ким куноолу ким ак экени!!!

+18

eldar.

2016-06-09 16:17:49

Чон саясат жатат бул жерде. Азыркы бийликтеги чондордун кобунун убагында кылган кылмыштарын, ушул байкуштар моюнуна алып куноосуз жаза тартып отургандай.

+13

ayushka

2016-06-09 16:36:50

Эмнеге камалып кеткен экен озу бул бала

-3

akimova22

2016-06-09 18:09:25

"Шамал болбосо чоптун башы кыймылдабайт"

-1

barakcha

2016-06-09 19:46:30

Эх жашоо...

Ibi86kg

2016-06-09 20:09:57

Озу эмне учун камалган экен омур бою кенен малымат болушсонор супер???

-4

Qnet

2016-06-09 20:28:15

Эмнегедир ушулар "бийликтин" бир оюнунун туткундары болду деген эле ой келет...

Aitunuk

2016-06-10 02:56:37

Карга да баласын аппагым дейт, азыр эмес, мурда баласынын камын көрүш керек эле, туура тарбия берип.

-2

Nasyrkg

2016-06-10 13:55:47

Оз башы озундо да жон эле журсо ага ким эле сакалды чаптап арасына суйроптурбу андай акылдуу болсо качкан кунунун эртеси барбайбы кайра мени кыйнап качырышты деп туштон кийин ак элем так элем дебей оной акчага кызыкканда булардын баары акча учун жургондор тетиги сириядагы айбандардын баары акча учун журот кудай учун журом дегени жон гана шылтоо болбосо эмне Кыргызстанда кудайга сыйынганга биро каршы болуп жатыптырбы.

Jigitchem

2016-06-11 23:17:31

Бул бала 2010 жылы дворец спортаны жардырган деп кармашкан.Кармоо маалында дагы каршылык коргозуп атышып ошондо бир козунон айрылган

Комментарий калтыруу үчүн өз ысымыңыз менен кириңиз же каттоодон өтүңүз.