Айтмамат Кадырбаев Оштогу бир катар социалдык курулуштарды текшерди (фото)

Бүгүн, 13-июнда Ош шаарынын мэри Айтмамат Кадырбаев шаарда курулуп жаткан бир катар социалдык объектилердин курулуштарын текшерип чыкты. Алгач Сай-Бою жана Тилеке баатыр көчөлөрүн бириктирүүчү жаңы көпүрөнүн долбоорун карап чыгып, жеринен көрдү. Ошондой эле Сай-Бою көчөсүндө жайгашкан бокс жана оор атлетика спорт мектебинин жатаканасы менен ашканасынын курулушу менен таанышты. Аны менен катар Курманжан датка аймактык кеңеши менен Туран аймагын бириктирген көпүрөнүн курулушун текшерди.

Айтмамат Кадырбаев шаарды социалдык-экономикалык жактан өнүктүрүүдө мэрия тараптан бардык
күч-аракеттер жумшалып жатканын билдирди.

"Акыркы эки жылда калаабызда бир топ алгылыктуу иштер аткарылды. Навои көпүрөсүнөн үнөмдөлгөн акча каражатына эки жаңы күпүрө куруп жатабыз. Алардын бири Курманжан датка аймактык кеңеши менен Туран аймагын бириктирген көпүрө. Анын жалпы сметалык баасы 73,0 миллион сомду, ал эми тендердик баасы 43,6 миллион сомду түзүп, курулуш иштери кызуу жүрүүдө. Бул көпүрөнүн курулушунан үнөмдөлгөн акчага, шаардагы борбордук стадиондун аймагында Сай-Бою көчөсү менен Тилеке баатыр көчөсүн бириктирген дагы бир чоң көпүрө курулат. Долбоору иштелип чыкты, бир айдын ичинде курулуш иштери башталат. Аны менен катар 3 мектеп, эки бала бакчанын курулушунун үстүндө иш жүрүп жатат. Бул курулуштар аяктаса, мектеп окуучуларына, наристелерге, шаар тургундарына ыңгайлуу шарттар түзүлөт. Биздин максат - курулуштарга тендерлерди өткөрүү менен акча каражатын үнөмдөп, сапаттуу бүтүрүү, каражатты туура пайдалануу”, - деп билдирди А.Кадырбаев.

Спорт интернаты ашканасы менен биригип жалпы аянты 2021 чарчы метрди түзүп, тендердик суммасы 18 миллион 900 миң сом болду. Жатаканада 16 уктоочу, 1 эс алуучу, 1 даярдануучу, 1 тарбиячынын бөлмөсү, жуунуучу жайлары дааратканалары менен камтылган. Курулуш иштерин 2016-жылдын III кварталына бүткөрүү пландалууда.

Ошондой эле Озгур айылындагы 100 орундуу бала бакчанын курулушун көрүп кайтты. Эки кабаттуу бала бакча аз убакыттын ичинде шаардыктарга тапшырылат. Тендердик баасы 24 945,7 миң сом. 1-июнга карата 23 779,9 миң сомдук курулуш иштери аткарылган. Бул тууралуу мэриянын маалымат кызматы билдирди.

Автор: Жамалидин Парманкулов

17:09 13-06-2016

Жазылуу

РУБРИКАДАГЫ СОҢКУ КАБАРЛАР

00:51 2025-05-15 | Түркүн дүйнө

Франциядагы зоопаркка чагылган тийип, 13 киши жабыркады 379 0

00:22 2025-05-15 | Түркүн дүйнө

Жаңы Рим папасы согушуп жаткан өлкөлөрдүн лидерлерин сүйлөшүүгө чакырды 488 0

23:42 2025-05-14 | Түркүн дүйнө

Эрдоган Трамптын чечими башка өлкөлөр үчүн үлгү болорун айтты 928 0

23:05 2025-05-14 | Саясат

Депутат Токтошев Акылбек Жапаров убадасын аткарбай кеткенин айтты (видео) 841 0

22:35 2025-05-14 | Коом жана турмуш

Баткен шаарында асфальт-бетон чыгарган завод ачылат 500 0

22:13 2025-05-14 | Саясат

Мирлан Самыйкожо өлкө тарыхында биринчи жолу боло турган жаңылык айтты (видео) 2832 0

Архив

Комментарийлер (6)

baxa-93

2016-06-13 18:55:17

Ушул кишиби Ош шаарынын Мээри

KGstan1981

2016-06-13 18:56:32

Копуро курулуп жатканда текшериш керек эле.Эми озунчо после пожара показуха кылбай.Баарибир Мырзакматовко жетпейсиз

barpy

2016-06-13 20:36:14

Курулган копуро боюнча Ош шаарынын тургундары жана конокторунун коптогон нааразы пикирлерин угуп да келебиз, интернеттен да окуп жатабыз. 5-10 адам жамандаса балким чагым деп ойлойсун, ал эми копчулук канааттанбай нааразы болсо, анда чындыкты жашырып ката албайсын. Курулган копуронун сапаты талапка жооп бербейт. Уномдодук деп ооз коптуруп суйлогон акчанар тиги копуронун бир чекесин жамаганга да жетпейт...

-1

barpy

2016-06-13 20:46:12

Бул мэр ХХХ ХХХ ХХХ Мурунку копуросун коруп эч кимдин ичи чыкпады эле, жанылары жакшы болооруна козун жетпей турат....

-1

admin_portal

2016-06-14 10:54:35

barpy, кимдир-бирөөнүн дарегине карата далили жок, негизсиз айыптарды камтыган билдирүүнү калтырууга тыюу салынат!

-1

Tahmina.Musaeva

2016-06-13 21:47:45

Акчаны ундобой эле, Навои кочосундого копуроо жакшына кылып салбайт беле? Копуронун тратуарынан басып отуштон коркосун. Качан кулап кетет. Озун жарнамалагандан башканы билбейт экен дааа.

-1

Комментарий калтыруу үчүн өз ысымыңыз менен кириңиз же каттоодон өтүңүз.