АКШ президенттигине талапкер Дональд Трамп жакында Атланта шаарынын жашоочулары менен жолугушууда Түндүк Кореянын президенти Ким Чен Ынды Вашингтондон кабыл алууну каалай турганын айтты. Бирок Трамп аны менен бирге түштөнүүнү каалабай турганын белгиледи. "Ал президент менен сүйлөшүү жүргүзүүдөн жаман нерсе көрбөйм. Менин ага барбашым анык, эгер бул жакка келсе кабыл алам. Бирок аны менен расмий түштөнүү уюштурмак эмесмин", - дейт Трамп.
Дүйнөлүк лидерлер расмий иш сапарлардын алкагында бирге түштөнүп, эркин форматта пикир алышканы кадимки көрүнүш. Орусиялык маалымат булактарынын бири дүйнөгө таанымал лидерлердин чогуу же коомдук жайлардан тамактанып жаткан сүрөттөр топтомун жарыялады...
1. 2002-жыл. Орусия президенти Владимир Путин, Германиянын канцлери Герхард Шрёдер жана Украинанын президенти Леонид Кучма Украинанын аймагынан өткөн магистралдык газ түтүктөрүн пайдалануу боюнча кызматташтуу тууралуу документке кол коюшкандан кийин менен "Подворье" ресторанында тамактанууда.
2. АКШ президенти Жорж Буш (кичүүсү) Хайлигендаммда G8 саммитинин расмий кечки тамагы башталар алдында Германиянын канцлери Ангела Меркелге кам көрүүдө. 2007-жыл.
3. 2010-жыл. Орусия президенти Дмитрий Медведев менен АКШ лидери Барак Обама Арлингтон шаарындагы "Ray's Hell Burger" кафесинде гамбургер жеп жатышат. Медведевдин АКШга иш сапар менен барган учуру.
4. Дүйнөлүк маселелерди талкуулоо жана сыра ичүү үчүн Улуу Британиянын премьери Дэвид Кэмерон менен Кытайдын төрагасы Си Цзиньпин Бириккен падышалык башчысынын резиденциясына жакын жердеги "The Plough" пабына киришкен. 2015-жыл.
5. Зимбабвенин президенти Роберт Мугабе өзүнүн 92 жылдык мааракесинде пирог жеп жатат. Мааракеге казынадан 1 миллион доллар жумшалган. 2016-жыл.
6. Сирия президенти Башар Асад салгылашуу маалында тыныгууга чыккан аскерлер менен бирге тамактанууда. Дамаск, 2015-жыл.
7. Боливиянын президенти Эво Моралес Кочабамба шаарындагы футболдук беттештен кийин папайя жеп жатат. Моралес футбол менен астейдил алектенген лидер, ал 2014-жылы "Спорт Бойз" клубу менен келишим да түзгөн.
8. Бразилиянын президенти Дилма Руссефф шайлоо алдындагы үгүт кампаниясы учурунда Рио-де-Жанейродогу ресторандардын биринде тамактанууда. 2014-жыл.
9. Алжирдин президенти Абделазиз Бутефлика өзүнүн ордосунда АКШнын мамлекеттик катчысы Хиллари Клинтонду кабыл алуу учурунан. 2012-жыл.
10. Тайвандын президенти Ма Инцзю шайлоо алдындагы үгүт кербени кызып жаткан учурда кесме ичүүгө кирген. Кесме президентке жаккан.
11. Израилдин президенти Шимон Перес жана Ашдод шаарынын мэри Йехиэль Ласри Ашдод шаарындагы соода борборунда балмуздак жеп отурушат.
12. Перунун мурунку президенти Алехандро Толедо шайлоо алдындагы үгүт иштери маалында өлкө борборунун четинде көбүнчө жумушчулар тамактанган жайга кирип, эртең мененки тамагын жеген. 2011-жыл. Шайлоодо Толедо утулуп калган.
13. Швейцариянын президенти Паскаль Кушпен 2008-жылы парламент жыйынында.
14. Бразилия президенти Луис Инасиу Лула да Силва Гватемаланын борбор шаарындагы ашканалардын биринде тамактанууда. Аталган президент "өлкө сыртында болсо да элге жакындыгын көрсөткүсү келген популист" деген сындарга көп жолу кабылган.
15. Филиппиндин президенти Глория Макапагал-Арройо жана анын күйөөсү Хосе Мигель Пусандагы Азия-Тынч океан экономикалык кызматташтык саммитинен кийин Гонконгго барышкан. Сүрөттө алар оркестр коштогон иш-чаранын ачылыш алдында балмуздак жеп турушат.
16. АКШнын вице-президенти Жо Байден Дарэм шаарындагы иш сапары учурунда "Bullock's Barbeque" кафесинде шоколадга малынган кулпунай жеп жатат. 2010-жыл.
17. Уругвайдын президенти Хосе Мухика достору менен Монтевидео шаарында пицца жеп түштөнүүдө. 2014-жыл.
18. Гондурастын тактыдан кулатылган президенти Мануэль Селайя Окоталь шаарындагы фермалардын биринде банан жеп жатат. 2009-жыл, 28-июль.
19. АКШ президенти Барак Обама менен британиялык премьер Дэвид Кэмерон баскетбол оюнун көрүү учурунда хот-дог жеп отурушат. 2012-жыл.
20. АКШ президенттигине талапкер Жон Керри шайлоо кампаниясы маалында тик учакта баратып тамактанууда. 2004-жыл. Шайлоодо Керри Жорж Бушка (кичүүсү) утулган.
