Президенттин Жогорку Кеңештеги өкүлү: "Кылмышкердин энесине "Баатыр эне" наамы берилбеш керек"

Жогорку Кеңештин Конституциялык мыйзамдар, мамлекеттик түзүлүш, сот-укуктук маселелер жана Жогорку Кеңештин регламенти боюнча комитети 21-июндагы жыйынында "Кыргыз Республикасынын мамлекеттик сыйлыктары жөнүндө" мыйзам долбоорун карады.

Талкуунун жүрүшүндө президенттин Жогорку Кеңештеги өкүлү Молдакун Абдылдаев "балдарынын бири оор же өтө оор кылмыш жасаса, энесине "Баатыр эне" наамын берүү туура эмес" деген пикирин билдирди. "Эне 7-8 бала төрөптүр, макул, бирок балдарынын бири башка адамдын баласын өлтүргөнү өтө терс көрүнүш, этикага жатпайт. Ошондуктан кылмышкердин энесине "Баатыр эне" наамын бербөө позициясында турабыз", - деди Абдылдаев.

Айта кетсек, "Кыргыз Республикасынын мамлекеттик сыйлыктары жөнүндө" мыйзам долбоорунда "балдарынын бири оор жана өтө оор кылмыш жасагандыгы үчүн соттолгон учурда энесин Баатыр эне ордени жана Эне даңкы медалы менен сыйлоого көрсөтүүгө жол берилбейт" деген жобо белгиленет.

Жогорку Кеңештин 9-июндагы жыйынында аталган мыйзам долбоору каралып жатканда депутаттар "балдарынын бири оор кылмыш жасагандыгы үчүн энесине "Баатыр эне" наамын бербей коюу туура эмес" деген пикирди билдиришкен.

Депутат Таабалды Тиллаевдин айтымында, эч бир эне баласы кылмышкер болсун деп төрөбөйт. "7-8 баланы төрөп, багуу оңой эмес. Жашоодо ар кандай учур болот. Балдарынын бири кокустан кылмыш жасашы мүмкүн. Бул жерде кылмыш жасаган баланын энесинин күнөөсү жок", - деген Тиллаев.

Депутат Талант Мамытов "балдарынын бири өтө оор кылмыш жасагандыгы үчүн соттолгон учурда энесин Баатыр эне ордени жана Эне даңкы медалы менен сыйлоого көрсөтүүгө жол берилбейт" деген жобону көп балалуу энелердин укуктарын тебелөө деп баалады. "Биз көп баланы төрөгөнү үчүн "Баатыр эне" наамын берип жатабызбы же туура тарбиялаганы үчүнбү?" - деп таң калган Мамытов.

Депутат Курманкул Зулушев "Баатыр эне" наамын алган энелерге бөлүнчү акчалай сыйлыкты көтөрүүнү сунуштаган.

Автор: Нургазы Аматов

13:35 21-06-2016

Жазылуу

РУБРИКАДАГЫ СОҢКУ КАБАРЛАР

11:38 2025-05-15 | Коом жана турмуш

Баткенде желим идиштер чыгарыла баштады (фото) 23 0

11:22 2025-05-15 | Саясат

Илим министринин милдетин аткаруучу Бактияр Орозовдун өмүр баяны 201 0

11:12 2025-05-15 | Коом жана турмуш

"Чүйдүн талааларын чегиртке каптап жатат" деген видео тарады (видео) 210 0

10:56 2025-05-15 | Кылмыштар, кырсыктар

Маркум Көлбаевдин кылмыштуу тобун каржылаган деп казак ишкерине издөө жарыяланды 303 0

10:53 2025-05-15 | Түркүн дүйнө

Блогер Гусейн Гасанов ага издөө жарыялангандыгы тууралуу маалыматка үн катты 622 0

10:45 2025-05-15 | Коом жана турмуш

Нарындагы жер титирөө: Ак-Талаада дагы 21 үйдө жарака кеткени аныкталды 187 0

Архив

Комментарийлер (15)

12.12.12

2016-06-21 14:04:41

Ар бир эне баласын кылмышкер болсун дер торобосо керек

kubat_73

2016-06-21 14:13:53

Бул эмне деген соз баланын кылмышы учун эне жооп бермек беле.Же эмне кылмышкер болсун деп тороптурбу?Закон десе эле жон эле бирдемени чыгара беришеби?Биздин депутаттар айнып калган го дейм элди колдогон эмес кордогон закондорду чыгарып

-7

aibo_85

2016-06-21 14:24:06

kubat_73, Козунду чоон ачып кара, бул жерде "президенттин Жогорку Кеңештеги өкүлү" деп турат.

-1

aibo_85

2016-06-21 14:21:39

Урматтуу Молдакун ака, эмне Баатыр Энелер кылмышкер болсун деп торойбу?????!!!!

BARCHA

2016-06-21 14:31:11

Энелердин мээриминдей мээрим болгондо Кыргызстан гулдоп оскон мамлекетке айланмак элек. Ар бир жазган мыйзам-закон добуштан отуп кетсе ошол депутка финансы каражаты болунот ошого ар нерсени жаза беришет уктап туруп эле.

-8

BARCHA

2016-06-21 14:44:56

Свет, суу, газга толобон коррупцияга аралашкан депутаттарга Жогорку Кенештен мандат берилбесин. Ошондо кандай болоор экен.

-4

Futuro

2016-06-21 15:04:18

Баласы кылмыш кыла электе берсеңер болмок! Жэ ал маалда 7-8бала төрөй элек беле?

-4

Azura

2016-06-21 15:51:40

торогондон сырткары татыктуу тарбия бериш керек, мээримдуу эненин баласы кылмышкер болбойт!

-2

Azura

2016-06-21 15:53:54

ттт. балан кылмышкер болсо, анан жети баланы тородун деп "Баатыр эне" наамын берсе, эне байкуш деле уятынан жерге кирип кетсе керек, "кайсы арыма алып жатам, татыктуу тарбия бере албагандан кийин" деп

-4

bokochooo

2016-06-21 16:17:16

Биздин депуттардын баары кылмышкер да анда энелеринин укуктарын тебелейсинерби энеде эмне куно куно Депутат соорой балдарында болсо )))) девелечи

-2

bekiw.801

2016-06-21 17:16:58

bokochooo, так айтыптырсын, сага кошуламын

-3

admin_portal

2016-06-21 17:00:57

BarsBaatyr, этика нормаларын сактаңыз!

kosmos83

2016-06-21 17:05:03

Бала 18ге чыккандан кийин ата эне ага жоопкер эмес ал оз алдынча тутун болуп калат.эмне учун аны эске алышпайт.7ни тородубу бериш керек наамды

-4

Ledy_feya

2016-06-21 20:58:51

Ай айланайын депутат, ушундай кантип болсун, ар бир эне биз үчүн эне бойдон калат өмүр бою. Ал эне деле 9 ай омурткасы сыздап,кыйналып толготуп төрөдүда.Эмне баласы түрмөгө отуруп калса эле, эне болбой калмак беле.Орден бербеш керек деген сөз акылы кем адамдын сөзүндөй элес калтырдыго чиркин.

Asyl.jazi

2016-06-22 07:04:41

Акчалай сыйлыкты көтөрбөөнүн айласын издеп жатат го булар

Комментарий калтыруу үчүн өз ысымыңыз менен кириңиз же каттоодон өтүңүз.