Prisma: Жаңы программа селфиден тажаган жаштардын көңүлүн буруп, аз убакытта популярдуу болду

Ырчы Анжелика

10 күн мурун Орусияда кадимки смартфонго тартылган сүрөттү чебер сүрөтчү боёк колдонуп тарткан түргө алып келген тиркеме ишке кирген. Смартфондор үчүн иштелип чыккан тиркеме App Store`до 10 күн ичинде 1 миллион жолу көчүрүлгөн.

Тиркеме Орусия, Беларусь, Эстония, Молдова, Кыргыз Республикасы, Өзбекстан, Казакстан, Латвия, Армения жана Украинада популярдуу боло баштаган. Ошондой эле бул программага жогорку баллды АКШ жана Германиянын интернет колдонуучулары беришкен.

Тиркеме сүрөттөргө кошумча түс, боёк берүү, жаңы образ берүү үчүн колдонулат. Атайын нейробайланыштардын жардамы менен Prisma сүрөттөрдү "кайра тартып чыгып", түрдүү стилге келтирет. Тагыраагы, белгилүү сүрөтчүлөрдүн стилине келтирет. Айрымдар бул ыкма фотоаппарат кармап, өзгөчө сүрөт тартууга аракет кылган сүрөтчү менен сүрөткө түс берген дизайнерге болгон муктаждыкты бир топ азайтарын айтып чыгышты.

Төмөндөгү сүрөттөрдөн тиркеме кандай өзгөчөлүктөргө ээ экенин байкоого болот. Кыргыз шоу дүйнөсүндөгү жана башка интернет колдонуучулардын Prisma тиркемесин колдонуп жасалган сүрөттөрүн назарыңыздарга сунуштайбыз.

Автор: Турсунай Алымкулова