Эски жер үйлөрдө жашап, ажаткананын жанында ойногон балдар (фоторепортаж)

Жусуп Абдрахманов көчөсүндөгү эски үй

Ак үйдүн бет маңдайындагы эски имарат

Лев Толстой көчөсүндөгү барак тибиндеги үйлөргө кетчү жол

Дилара Алыпсатарова

Лев Толстой көчөсү. Балдар ажаткананын жанында ойноп жатышат.

Бишкек шаарында тиричиликке эч кандай шарты жок, эски жер үйлөрдө жашаган тургундар көп. Алар эски үйлөрдү сүрдүрүп, ордуна көп кабаттуу үй салып беришине макул экенин билдиришти. Тургундардын көбү аймактардан келип отурукташып калгандар. Эски үйлөр шаардын борбордук бөлүгүндө да азыркы учурга чейин бар.

"Мен Ысык-Көл облусунан келгем. 10 жылдан бери шаардагы ушул барак тибиндеги үйдө жашайм. Үйдү сатып алгам. Эч кандай шарт жок. Ажатканабыз көчөдө. Балдарыбыз ойногонго спорт аянтчалары жок. Ажатканага жакын жерде ойношот. Ал тургай жугуштуу оорулар ооруканасынын жанында жайгашканбыз", - дейт эски үйлөрдүн биринде жашаган Дилара Алыпсатарова.

"Бийликтегилер элдин абалын көрүп, шарт түзүп беришсе жакшы болмок. Шаардагы эски үйлөрдү сүрдүрүү боюнча массалык маалымат каражаттарынан окуп сүйүндүк эле. Маселе эртерээк чечилсе жакшы болмок. Лев Толстой көчөсүндө 50гө жакын барак тибиндеги үй бар. Мындагы үйлөрдүн 100 пайызы сейсмологиялык талапка жооп бербейт", - деп кошумчалады Алыпсатарова.

Белгилей кетсек, Бишкек шаарынын Лев Толстой, Жоомарт Бөкөнбаев, Москва, Насирдин Исанов, Жибек-Жолу, Фучик көчөлөрүндө эски жер үйлөр басымдуулук кылат. Ал тургай Чүй кең көчөсүндө, Ак үйдүн бет маңдайында да эски үй орун алган.

Эскерте кетсек, Карпинский, Линейная, Жибек-Жолу көчөлөрү жана Жаш Гвардия бульвары менен чектелген аймакта 1996-жылга чейин курулган курулуштарды алуу тууралуу мыйзам долбоору даярдалып, коомдук талкууга коюлган. Долбоорго ылайык, менчик ээсине мүлктүн баасындагы компенсация төлөнөт. Бузула турган мүлктүн базар баасын мэриянын комиссиясы жана көз карандысыз компаниялар, баалоочулар аныкташат.

Эски жер үйлөрдө жашап, ажаткананын жанында ойногон балдар

Автор: Акназар Сулайманкулов
Фото: Акназар Сулайманкулов

17:54 22-06-2016

Жазылуу

РУБРИКАДАГЫ СОҢКУ КАБАРЛАР

09:36 2025-05-15 | Коом жана турмуш

Бишкекте "102" тасмасынын жабык көрсөтүүсү өттү (видео) 24 0

09:35 2025-05-15 | Коом жана турмуш

"Кызыгуум күч болду". Кыргыз тилин 5 айда үйрөнгөн стамбулдук Юсра менен маек 903 0

09:32 2025-05-15 | Түркүн дүйнө

Путин менен Зеленский Стамбулга сүйлөшүүгө ким барарын чечти 132 0

08:50 2025-05-15 | Коом жана турмуш

Өлкөдө бала бакча жетекчилеринин бош кызмат орундарына сынак жарыяланды 139 0

08:30 2025-05-15 | Коом жана турмуш

"Браконьерлер чабуулун токтотпой". Ысык-Көлдө эс алуучу жайлардын жээктерин тазалоо күчөтүлдү (видео) 266 0

08:12 2025-05-15 | Коом жана турмуш

Ошто мал сарай бузулуп, ордуна жаңы эс алуу жайы курулду 419 0

Архив

Комментарийлер (5)

vip.kg

2016-06-22 18:23:02

Бир ааз ойлонуп жазсаак жакшы болмок. ар бир адам эле уй салышка кудурети жетпейт бул адамда мамлекеттен умут кылып суранып жатат. Кооп кабатуу уй салса пайдасы кооп адамга тийетго.

-1

Ajibaeva2016

2016-06-22 18:39:44

vip.kg,Азыркы чондорго карап отурбастан оздору аракет кылса болот,антип балдарын сасык туалеттин жанында ойнотпостон.таза болбой мамлекетке ишенип алышат,кыйратып жардам бере тургансып.

Kroxa

2016-06-22 20:55:51

Кайдааан кыргызтан онукпой калдыго,,Бишкектеги уйлорду ондошсо чондор ачка калбайбы:-):-):-)

marmiladka9

2016-06-22 22:47:08

80-чи жылдарда жургондой болосун го бул уйлорду коруп

Sema87

2016-06-22 23:54:31

Айылда эле жашаганга эмне жетсин таза аба,таза суу,ужас ал жерде жашоо кыйын

Комментарий калтыруу үчүн өз ысымыңыз менен кириңиз же каттоодон өтүңүз.