Улуттук суусундуктарды эл аралык рынокко алып чыгуу аракети көрүлүүдө

Кыргыз товарларын Евразия биримдигине кирген өлкөлөргө сатуу боюнча жыйын өткөрүлдү. Жыйында сапаттуу товарларды камдоо менен бирге товар өндүрүүчүлөргө ыңгайлуу шарттарды түзүү зарыл экени, сүт, эт азыгын өндүрүп сатууда мал чарбачылык коопсуздугун сактоо керек экендиги айтылды. Мындан сырткары өлкөдө өндүрүлгөн органикалык продукцияларды сыртка экспорттоого сертификаттын жоктугу тоскоолдук жаратып жатканы боюнча сөз болду.

"Учурда улуттук суусундуктарды эл аралык рынокко алып чыгуу аракетин көрүп жатабыз. Бул боюнча ЕАЭБдин тийиштүү кызматтарына маалымат берип, сунуш киргиздик. Эгерде биз көтөргөн маселе ишке ашып калса, анда Евразия биримдигинин рыногунда аброй таба алабыз. Анткени биздин улуттук суусундуктар чет өлкөлүктөрдү кайдыгер калтырбайт", - деп билдирди Экономика министрлигинин алдындагы Стандартташтыруу борборунун директору Бердимамат Аданбаев.

"Бүгүнкү күндө эл аралык стандартка ылайык сапаттуу, химикат кошулбаган товар өндүрүүдө фермерлер жана дыйкандар менен тыгыз иштешүү керек. Мында кызыкчылык бир гана чет өлкөгө товар өткөрүү эмес. Биз өзүбүз, балдарыбыз химикат кошулбаган таза, сапаттуу азыктар менен тамактанабыз", - деди Сапаттуулук коомунун өкүлү Гүлнара Жусупжанова.

Жыйынга Кыргыз Республикасынын Президентинин Аппаратынын штаттан сырткаркы эксперти Азамат Темиркулов, экономика министринин орун басары Элдар Абакиров, Бажы кызматынын адистери, коомдук уюмдун өкүлдөрү жана экономикалык эксперттер катышты.

Автор: Акназар Сулайманкулов
Фото: Акназар Сулайманкулов

12:39 23-06-2016

Жазылуу

РУБРИКАДАГЫ СОҢКУ КАБАРЛАР

09:36 2025-05-15 | Коом жана турмуш

Бишкекте "102" тасмасынын жабык көрсөтүүсү өттү (видео) 24 0

09:35 2025-05-15 | Коом жана турмуш

"Кызыгуум күч болду". Кыргыз тилин 5 айда үйрөнгөн стамбулдук Юсра менен маек 903 0

09:32 2025-05-15 | Түркүн дүйнө

Путин менен Зеленский Стамбулга сүйлөшүүгө ким барарын чечти 132 0

08:50 2025-05-15 | Коом жана турмуш

Өлкөдө бала бакча жетекчилеринин бош кызмат орундарына сынак жарыяланды 139 0

08:30 2025-05-15 | Коом жана турмуш

"Браконьерлер чабуулун токтотпой". Ысык-Көлдө эс алуучу жайлардын жээктерин тазалоо күчөтүлдү (видео) 266 0

08:12 2025-05-15 | Коом жана турмуш

Ошто мал сарай бузулуп, ордуна жаңы эс алуу жайы курулду 419 0

Архив

Комментарийлер (3)

kgalik

2016-06-23 12:49:44

эн жакшы жанылык экен, кубанып каласында мындай жанылыкты уксан

Jooshbai

2016-06-23 13:54:52

birok kymyzdy satpai ele koiuw kerek

ALATOOLUK.JIGIT

2016-06-23 16:17:15

Жакшы жанылык,ким ичсе да "атасына рахмат"айтчу суусундуктар. Бирок кийин бизнес бутка турганда кытай сомапал товарды базарга толтуруп жиберет да,озубуз козомолдой албай калабыз товарды.

Комментарий калтыруу үчүн өз ысымыңыз менен кириңиз же каттоодон өтүңүз.