ЖЫЛНААМА, 26-ИЮНЬ: Франциялык футболчу Самир Насри 29 жашка толду

Теги алжирлик болгон франциялык футболчу Самир Насри 29 жашка толду. Футболчу 1987-жылы 26-июнда Франциянын Марсель шаарында туулган.

Жаш талант "Марсель" футболдук клубунун академиясында тарбияланып, 2004-жылы профессионалдык футболго кадам таштаган. 2008-жылга чейин аталган клубда ойноп, ушул жылы лондондук "Арсенал" футбол клубуна кошулган. 2011-жылы Самир англиялык “Манчестер Ситинин” курамына кошулган. Дал ушул клубда ал ийгиликке жетишип, 2 ирет Англия чемпиону аталган (2012-жылы, 2014-жылы).

Франция курамасы үчүн 41 беттеш өткөрүп, 5 гол киргизген. Франциянын азыркы машыктыруучусу Дидье Дешам менен болгон түшүнбөстүктөрдөн улам футболчу акыркы 2 жылда улуттук курамга чакырылбай келет.

26-июндун жылнаамасы.

Автор: Максат Кудайбердиев
Фото: Интернеттен алынды