Кара-Сууда орун алган жер титирөөдөн кийин тургундар айылда спирт ичимдиктеринин сатылуусуна каршы чыгышкан

Кара-Суу районунун Мады, Аксынын Мундуз айылында спирт ичимдиктерин сатууга чек коюлду. Бул тууралуу муфтияттан билдиришти.

Маалыматка ылайык, 2015-жылдын ноябрь айында 7 баллга жеткен жер титирөөдөн улам Тээке айылынын тургундары дүкөндөрдөгү спирттик ичимдиктерди жок кылуу демилгесин көтөрүп чыгышкан. Катуу жүргөн селден улам Лаглан айылындагы спирттик ичимдиктер көп сатылган дүкөн кыйроого учурап, товарлары сууга агып кеткен. Бир нече үй зыянга учураган.

Айылдыктар жаратылыш кырсыктарынын көп болушун ислам дининде тыюу салынган спирт ичимдиктерин адамдар ичип, жаман жолдорго барып жатканы менен түшүндүрүшкөн. Учурда Лаглан айылында 70 кожолукта 350 адам жашаса, Тээке айылында 50 кожолукта 200 адам жашайт.

Эскерте кетсек, 2015-жылдын ноябрь айында болгон жер титирөөдөн улам Тээке айылында 22 үй 4-даражада зыянга учураган.

Ал эми Аксынын Мундуз айылында 3 жылдан бери спирт ичимдиги сатылбайт.

"Мундуз айылында 3 жылдан бери спирт ичимдиги сатылбайт. Биздин эл абдан ынтымактуу. 3 жыл мурда жума намазында элди чогултуп, имамдар ушул маселени көтөрүшкөн. Көтөрүлгөн маселени эл колдоп, азыркы убакта бир дагы дүкөндө спирт ичимдиги сатылбайт. Айрым учурларда атайын кыдырып, көзөмөлдөп турабыз", - дейт Мундуз айылынын айыл башчысы Жеңиш Мырзаев.

Белгилей кетсек, Мундуз айылында 200 кожолукта 1150 адам жашайт.

Автор: Акназар Сулайманкулов
Фото: Интернеттен алынды

14:12 29-06-2016

Жазылуу

РУБРИКАДАГЫ СОҢКУ КАБАРЛАР

15:36 2025-05-15 | Коом жана турмуш

Президент хоккей боюнча улуттук кураманын мүчөлөрүнө акчалай сыйлык тапшырды (сүрөт) 26 0

15:33 2025-05-15 | Коом жана турмуш

SUPER.KG порталынын журналисти Мароккодогу дүйнөлүк конгресске катышууда 40 0

15:25 2025-05-15 | Коом жана турмуш

Чүйдүн чегиртке каптаган талааларында дарылоо иштери жүрүүдө (видео) 86 0

15:00 2025-05-15 | Коом жана турмуш

Президенттин иш башкармасы МИКке нааразы болгон депутатка жооп берди 339 0

14:45 2025-05-15 | Саясат

"Оппозициялык күчтөр кылып жатса керек". Садыр Жапаров кыргыз-казак тарыхы боюнча маек берди 321 0

14:34 2025-05-15 | Коом жана турмуш

+39 градуска чейин ысыйт. 16-майга карата аба ырайы 239 0

Архив

Комментарийлер (10)

mma_fighter

2016-06-29 14:15:21

Мынча жакшы. Жакшы жанылык да угат экенбиз го. Элди ыйманга чакырыш керек. Ошондо кырсыктан кудай озу сактайт.

+12

bazarkyl

2016-06-29 14:33:17

жакшы жанылык бугун ушул жерден окудум.

Jyrgal8

2016-06-29 14:40:29

Аллахым суйгон пенделер жашашат экенда баары кана эле биздинда Каракулжа районубузда ушундай болсо чындап суктанып кеттим ошол айылдын жашоочуларына....

Labadax

2016-06-29 14:52:01

Кундун жакшы жанылыгы болду,орозо маалында ушуга окшогон жаман иш адаттардын башаты болгон атын очкур аракты жок кылгандары.

mederkg

2016-06-29 15:14:21

Ото сонун жанылык.Аллах колдосун каршы чыккандарды

Rahim76

2016-06-29 15:32:26

Спирт ичимдиктерин тыюу салганын колдойм.Бирок жер титирегенге кандай тийешеси бар.

nursultan.91

2016-06-29 16:09:04

Rahim76, адамдар ошол жинди суу ичип жаман жолдорго барышууда,бул аллага да жакпайт,ошон учун табият кырсыктары болуп жатат деп спирт ичимдиктерин сатууга тыйуу салып жатышат.

E.TARZAN

2016-06-29 16:08:20

Билбейм Мадыдагы дүкөндөрдө дале болсо спирттик ичимдиктер сатылып эле жатат. Жолдун боюндагы дүкөндөрдө. Билбейм анан айылдын ичкер жагында эле сатылбай калбаса.

zhumagul89

2016-06-29 19:06:24

Эн сооонннун жанылык. Ушундай жанылыктар кооооооп болсо экен.

abusait

2016-06-30 05:40:45

МММ муфтият башкарып калган турбайбы элди. Муну кандай тушунуш керек.. Ак уй кок уй эмне дээр экен.

-1

Комментарий калтыруу үчүн өз ысымыңыз менен кириңиз же каттоодон өтүңүз.