Жайкы каникулда борбор калаадагы шаардыктардын эс алуусунан фоторепортаж

Шаар тургундары үчүн сейил бактарда бильярд ойноо мүмкүнчүлүгү бар.

Элмира Жумагулова жакындары менен

Шаар тургуну Гүлниза Айтикеева кызы менен

Эс алып отурган курбулар

Сейилдеген тургундар

Балдардын боёлгон беттери өзгөчө маанай тартуулайт.

Мектеп окуучулары жайкы эс алууга чыгып, айрымдары тоолуу аймакка лагерге эс алганы кетишсе, айрымдары күндүн ысыгына карабай шаардагы сейил бактарда эс алышат. Бишкектеги жашоочулар жайкы эс алууну кандай өткөрүп жатышканын байкап көрдүк.

Бишкектеги Панфилов сейил багында эс алып жүргөн шаар тургуну Гүлниза Айтикеева: "Жайкы каникулда жуманын ар шаршемби күнү аттракциондорду колдонуу 50 пайызга арзан болот дегенди угуп келдик. Чынында эле арзан экен. Башка күндөрү аттракциондорду колдонуунун 3 мүнөтү 50 сом болсо, бул күнү 25 сом гана төлөп жаттык. Коомдук жайда эс алуу балдардын аң-сезимин, дүйнө таанымын өстүрөт. Ошондуктан балдарга шарт түзүү керек", - дейт.

"Эс алуу үчүн бир гана шаардыктар келген жок. Мында айылдан келген коноктор да бар. Маселен, менин инилерим айылдан келип эс алып жатышат. Алар үчүн шаардагы эс алуу ойдогудай өтүүдө. Эң негизгиси, өлкөбүздө тынчтык болсо эс алуу да болот, өнүгүү да болот", - дейт шаар тургуну Элмира Жумагулова.

Белгилей кетсек, аттракциондору бар негизги сейил бактардын саны шаар боюнча төрттү түзөт.