Түштүк Кореяда жүрөк кемтиги менен ооруган 6 кыргыз балага операция жасалды

Бүгүн, 1-июлда Түштүк Кореяда жүрөк кемтиги менен ооруган кыргыз балдарынын дарылануусу аяктады. Бул тууралуу аталган өлкөдөгү Кыргыз Республикасынын элчилиги кабарлаган.

Түштүк Кореяда жүрөк кемтиги менен ооруган 6 кыргыз балага операция ийгиликтүү жасалып, балдар аз эле убакта калыбына келишкени маалым болду. Үстүбүздөгү жылдын 5-июлунда балдар өз мекенине кайтып келишет.

"Дарылоодон тышкары балдарга жана алардын ата-энелерине маданий программалар уюштурулган. Салтанаттуу иш-чаранын соңунда акциянын демөөрчүлөрүнөн балдарга эстелик белектери жана оюнчуктар берилди. Бул кайрымдуулук акциясы бир нече жылдан бери өткөрүлүп келет. Уюштуруучулар акцияны улантышарын билдиришти", - деп айтылат маалыматта.

Автор: Үмүт Абдраимова
Фото: ТИМдин басма сөз кызматы