Бишкекте көп балалуу энелер Баатыр эне ордени жана Эне даңкы медалы менен сыйланышты (фото)

Бишкекте көп балалуу энелер Баатыр эне ордени жана Эне даңкы медалы менен сыйланышты. Бул тууралуу борбор калаанын мэриясынын басма сөз кызматы билдирди.

Маалыматка ылайык, Бишкек шаарынын Ленин районунун башчысы Нурдин Тынаев 22 көп балалуу энеге Баатыр эне орденин жана 9 көп балалуу энеге Эне даңкы медалын тапшырды. "Район башчысы энелерди жогорку мамлекеттик сыйлыктын ыйгарылышы менен куттуктады. Ал өсүп жаткан муунду тарбиялоодо энелердин ролу маанилүү экенин жана өлкөнүн көз карандысыздыгына, өнүгүүсүнө кошкон салымы чоң экенин баса белгиледи. Сөз соңунда Тынаев энелерге бекем ден соолук, бакыт жана бейпил жашоо каалады", - деп айтылат маалыматта.

Автор: Нургазы Аматов
Фото: Бишкек мэриясынын басма сөз кызматы