Аксы районунда паспорттон "улуту" деген жазууну алып салуу демилгесине каршы жана Үңкүр-Тоо маселеси боюнча митинг өтпөй калды

Аксы районунда паспорттон "улуту" деген жазууну алып салуу демилгесине каршы жана Үңкүр-Тоо маселеси боюнча митинг токтотулду. Бул тууралуу бүгүн, 11-июлда SUPER.KG порталына "Эл үнү" коомдук-саясий кыймылынын Аксы райондук бөлүмүнүн башчысы Жанарбек Надырбеков билдирди.

Маалым болгондой, Аксынын Кербен шаарында 12-июлда өтүүчү митинг күз айларына калтырылды.

"Эл үнү" коомдук-саясий кыймылынын мүчөлөрү кеңешип, 12-июлдагы нааразычылык митингин күз айларына калтырышты. Азырынча өлкө жетекчилерине дагы убакыт берүүнү туура көрдүк. Учурда митинг токтотулганы менен, маселени чечүү талаптарынан баш тарта элекпиз", - деп билдирди Надырбеков.

Белгилей кетсек, митингде социалдык беш маселе көтөрүлмөк: чек ара маселеси, Үңкүр-Тоо, "Кумтөр" кени жана өлкөдөгү башка кендер маселеси, паспорттогу "улуту" деген графаны алып салууга каршы ойлор, Токтогул суу сактагычындагы суу, электр энергиясы жаатында 700 киловатт-сааттан ашкан төлөмдү алып салуу талаптары.

Буга чейин 29-июнда "Эл үнү" коомдук-саясий кыймылынын Аксы райондук бөлүмүнүн башчысы Жанарбек Надырбеков 12-июлда митинг өтөрү туурасында айткан.

Автор: Акназар Сулайманкулов

23:11 11-07-2016

Жазылуу

РУБРИКАДАГЫ СОҢКУ КАБАРЛАР

19:30 2025-05-15 | Коом жана турмуш

Садыр Жапаров УКМК кармаган акимди кызматынан алды 136 0

19:12 2025-05-15 | Түркүн дүйнө

Трамп Экинчи дүйнөлүк согушту АКШ жеңгенин айтты 237 0

18:24 2025-05-15 | Коом жана турмуш

Бактияр Орозов илим, жогорку билим берүү жана инновациялар министри болуп дайындалды 196 0

18:08 2025-05-15 | Бизнес-Инфо

MBANK «Миллионго нөл пайыз» акциясын баштады — MKassaнын жаңы кардарларына 1 000 000 сомго чейин төлөм кабыл алууга 0% комиссия! 152 0

18:03 2025-05-15 | Коом жана турмуш

Догдуркүл Кендирбаева агартуу министри болуп дайындалды 282 0

17:55 2025-05-15 | Коом жана турмуш

Садыр Жапаров Европа Биримдигинин Борбордук Азия боюнча атайын өкүлү менен жолукту 127 0

Архив

Комментарийлер (8)

stimyl.kg

2016-07-11 23:16:30

Кандайдыр бир соодалашуу болгонго бийлик менен. Болбосо эснеге токтотулмак эле. Эл учун деп элдин атынан суйлоп соодалашууга барган адамдар коруп жатабыз кандай карышкыр болуп оз элин кыра баштагандарын.

+10

Maks_shop

2016-07-12 00:26:04

Жазылышы керек

saya

2016-07-12 01:41:33

Кыргызды кыргыз,озбекти озбек,орусту орус деш керек

+12

gulkar

2016-07-12 02:50:59

Улут жазылыш керек!!!
Улутун м-н адамсын,улутун жок болсо, айбандан эмне айырма калат.

ALMAAAN

2016-07-12 04:18:50

Туура улуту жазылыш керек албетте.

Erl017

2016-07-12 06:02:20

ошондо Кыргызстанда улут жок болсо биздин мамлекет короо сыяктуу болуп калат да э ?

Nurishka

2016-07-12 09:14:38

Улуту болуш керек мен каршым

Mirkgz-1990

2016-07-12 09:43:25

Паспортто улуту деген деген графа сөзсүз түрдө болуш керек адашып калышым мүмкүн өзбекстанда улутун кыргыз болсо да экинчи балаңы өзбек деп жазат деп айткандарын угуп калганмын. .. бизде да башка улуттун адамдарына шанс бериш керек мисалы улуту өзбек бирок паспортуна кыргыз деп жаздырам десе

Комментарий калтыруу үчүн өз ысымыңыз менен кириңиз же каттоодон өтүңүз.