ЖЫЛНААМА, 12-ИЮЛЬ: Эркин күрөш боюнча Спорт чебери, машыктыруучу Жеңишбек Дөңбаев 71 жашка толду

Эркин күрөш боюнча СССРдин Спорт чебери (1967), КРнын (1985) жана СССРдин (1991) Эмгек сиңирген машыктыруучусу Жеңишбек Дөңбаев бүгүн, 12-июлда 71 жашка толду. Ал 1945-жылы Талас районундагы Кең-Арал айылында туулган.

1969-жылы Фрунзе политехникалык институтун бүтүргөн. Жеңишбек Дөңбаев 1969-1970-жылдары СССРдин студенттеринин биринчилигинде алтын байгени уткан. 1969-жылы Бүткүл союздук профсоюздардын Спартакиадасында 1-орунду алган. 1969-1972-жылдары СССРдин тандалма командасынын мүчөсү, 1970-жылы Республикалык спорт чеберлеринин жогорку мектебинин күрөш боюнча машыктыруучусу, КРнын курама командасынын мүчөсү (1969-1971) болгон. Ал эми 1983-1999-жылдары республиканын курама командасын жетектеп, Олимпиадалык даярдоо борборунда балбандарга таалим-тарбия берген. 1999-2009-жылдары бокс жана күрөш боюнча РОРБСМ жетекчиси, 2009-2011-жылдары КРнын күрөштү өнүктүрүү борборунун жетекчиси болгон. Жеңишбек Дөңбаев 1993-жылы КРнын Ардак грамотасы менен сыйланып, 2001-жылы "КРнын маданиятына эмгек сиңирген ишмери" наамына арзыган.

Жеңишбек Дөңбаев ондогон чебер балбандарды тарбиялап чыгарган. Алардын катарында К.Амуралиев, Н.Изабеков, М.Бобурбеков, Н.Дөңбаев, А.Аскаров, А.Төрөгелдиев, Р.Маджинов, Б.Өмүракунов, Ч.Изабеков, И.Тазабеков сыяктуу спортчулар бар.

12-июлдун жылнаамасы.

Автор: Максат Кудайбердиев
Фото: Интернеттен алынды