Кореялык корпорация Бишкек эркин экономикалык зонасында мыйзамсыз курулуш иштерин жүргүзүп, бак-дарактын 70 түрүн кыйып, 2000 чарчы метр жер кыртышын бузган

Мамлекеттик экологиялык-техникалык инспекция тарабынан тарыхый баалуулугу зор эл чарбасынын көргөзмө жетишкендиктери жайгашкан аймакта түштүк кореялык корпорация техникалык жана экологиялык мыйзамдарды одоно бузуп ишмердүүлүк жүргүзүп жатканы аныкталды. Бул тууралуу аталган инспекциянын басма сөз кызматы билдирет.

Түштүк кореялык корпорация “Бишкек эркин экономикалык зонасы” ишканасынан убактылуу колдонууга алган 36,7 гектар аймакта мыйзамсыз курулуш иштерин жүргүзүп, “Эл чарабасынын жетишкендиктеринин көргөзмөсү” аттуу жайында көп жылдык бак-дарактардын 70 түрүн кыйып, 2000 чарчы метр жер кыртышын бузганы аныкталды. Буга карата экотехинспекциянын Бишкек шаардык башкармалыгы тарабынан жеринде протокол, актылар түзүлүп, келтирилген экологиялык зыяндар эсептелип чыккан. Ошондой эле аталган жайда эч кандай уруксат кагаздары жок курулуштар курулуп, айрымдары бүткөрүлүп, тийиштүү мамлекеттик органдардын эч кандай уруксат кагаздары жок ишмердүүлүк жүргүзүп жатышканы аныкталды.

Мамэкотехинспекциянын Бишкек шаары боюнча башкармалыгынын башчысынын орун басары Кадырбек Саалиевдин айтымында, түштүк кореялык компаниянын мыйзамсыз иш-аракететтери толугу менен тастыкталды. Келтирилген экологиялык чыгашаларды толтуруу жана мыйзамсыз курулуштарды буздуруп, аталган жайды баштапкы калыбына келтирүү боюнча мыйзам чегинде катаал чаралар көрүлөрү белгилүү болду.

Автор: Үмүт Абдраимова

08:13 14-07-2016

Жазылуу

РУБРИКАДАГЫ СОҢКУ КАБАРЛАР

19:30 2025-05-15 | Коом жана турмуш

Садыр Жапаров УКМК кармаган акимди кызматынан алды 136 0

19:12 2025-05-15 | Түркүн дүйнө

Трамп Экинчи дүйнөлүк согушту АКШ жеңгенин айтты 237 0

18:24 2025-05-15 | Коом жана турмуш

Бактияр Орозов илим, жогорку билим берүү жана инновациялар министри болуп дайындалды 196 0

18:08 2025-05-15 | Бизнес-Инфо

MBANK «Миллионго нөл пайыз» акциясын баштады — MKassaнын жаңы кардарларына 1 000 000 сомго чейин төлөм кабыл алууга 0% комиссия! 152 0

18:03 2025-05-15 | Коом жана турмуш

Догдуркүл Кендирбаева агартуу министри болуп дайындалды 282 0

17:55 2025-05-15 | Коом жана турмуш

Садыр Жапаров Европа Биримдигинин Борбордук Азия боюнча атайын өкүлү менен жолукту 127 0

Архив

Комментарийлер (6)

maratbek88.88

2016-07-14 08:15:53

чондор жол ачып берсе бузатда

Usow

2016-07-14 08:21:32

кайсы бир чиновниктин эле келечектеги планы болсо керек

Rifle_S

2016-07-14 08:35:44

Үйдүн жанындагы бир бакты кесип салыш үчүн канча чуркайбыз. Булар тыптынч кесип салса, млн штраф салыш керек. Жаңы 70000 жаш көчөт эгиш керек.

tashi62

2016-07-14 08:37:09

жөндөн-жөн эле кореядан келип курулуш башташ кыйын болсо керек булда болсо бир чоңдун бизнеси .

Kroxa

2016-07-14 09:42:15

Бул башталганда эмне карашпайт эколог мерия кайда,бакыйган борбордо куруп жатса корбой калса кулкун келет,еще без разрешение странно,,биздин кочодон машина балаты сузуп сындырып алганда экологдор келип штраф салган закон карапайым адамга 100% иштейт а чондордуку корунбой каоганы жаман...

evidens

2016-07-14 10:21:34

чиновниктерге Акчасын берип оозун толтуруп койгонда акчага,каалаганын кылатта анан

Комментарий калтыруу үчүн өз ысымыңыз менен кириңиз же каттоодон өтүңүз.