Меркелдин Instagram баракчасындагы Кыргыз жеринде тартылган сүрөттөрү жана басма сөз кызматынын видеосу

Германиянын канцлери Ангела Меркелдин Instagram баракчасына Кыргыз жеринде тартылган 2 сүрөтү жарыяланды. Бири кечээ эртең менен жарыяланса, бири 13 саат мурун чыкты.

Меркелдин 13-июлда Кыргыз Республикасында тартылган сүрөтү. Сүрөт "Манас" Эл аралык аэропортунда тартылган. Анда Ангела Меркель эки катар тизилген Улуттук гвардиянын аскерлеринин ортосунан өтүп бара жаткан кези көрсөтүлгөн.

Ал эми экинчи сүрөттө "Ала-Арча" мамлекеттик резиденциясынын алдындагы "Кош келиңиз, Ангела Меркель айым!" деген баннер тартылган. "Тянь-Шань тоолорундагы "Ала-Арча" резиденциясы канцлер Ангела Меркелди тосууга даярданууда" деген билдирүү жазылган.

Бул сүрөттөр менен бирге канцлердин Кыргыз Республикасына келгендеги видеосу интернетке киргизилген.