"Стамбулда таӊ аткыча ызы-чуу болуп, абал эми гана тынчтанып жатат" дейт окуянын күбөсү

"Стамбулда таӊ аткыча ызы-чуу болуп, абал эми гана тынчтанып жатат". Бул тууралуу бүгүн, 16-июлда SUPER.KG порталына Анкарадагы Кыргыз достук жана маданият коомунун өкүлчүлүгүнүн катчысы Адилет Абишов билдирди.

"Түндө көчөдөн өткөн танктарды санап калдык. Менин билишимче, каза тапкандар менен жаракат алгандардын арасында кыргыз жарандары жок. Ызы-чуу башталган учурда көбү үйүндө болчу, түндө баары менен байланышканга аракет кылганбыз. Саат 22:00 чамасында мен университеттен келе жаткам. Сыххийе деген райондон (шаардын ортосу) метродон чыгып, жатаканага кетейин деп аялдамада автобус күтүп турсам, тик учактар тынбай өтө баштады. Жатаканага келип кабарларды окуп баштадым. Анда аскерлер Босфор кысыгынын көпүрөсүн жаап салышыптыр. Эч нерсе түшүнбөдүк. Арадан көп өтпөй түркиялык аскердик топ төӊкөрүш баштагандыгы тууралуу маалыматтар чыкты. Ошондон кийин эле тик учактардын учканы күчөп, атышуулардын үнү угула баштады. Көчөдө ызы-чуу болуп жатканынан карасак танктар өтүп жатыптыр, алардын саны 20дан ашты", - дейт Абишов.

Анын айтымында, танктар өткөндөн кийин эле атышуу, жарылуулардын үнү күчөгөн. Көчөдө жөө жүргөндөр, көбү унаалары менен Кызылай аянтына агылган.

"Биз социалдык тармактар аркылуу Анкарадагы кыргыздарга байланышып, үйүнөн чыкпай отурууга чакырып, көчөдөгү топторго кошулбоого үндөдүк. Сыналгы көрүп отурсак катуу үн чыгып, анын аркасынан катуу толкун келип биздин жатакананын биз отурган тарабына тийди. Ошол учурда аскерлер тик учак менен бийликтин учагын атып түшүргөнү маалым болду. "Эми эмне кылабыз?" деп жазган мекендештер көп болду. Баарына түшүндүрүү иштерин жүргүзүүгө аракеттендик. Ушундай ызы-чуу, жарылуу, атышуу, учак, тик учактын учкандары таӊкы саат 5ке чейин уланды", - деп кошумчалады Абишов.

Автор: Мальвина Уметбекова

14:47 16-07-2016

Жазылуу

РУБРИКАДАГЫ СОҢКУ КАБАРЛАР

01:07 2025-05-16 | Кылмыштар, кырсыктар

Ак-Буура дарыясына өспүрүм бала түшүп кетти 74 0

00:36 2025-05-16 | Түркүн дүйнө

Франция Иранды Эл аралык сотко берет 169 0

00:31 2025-05-16 | Түркүн дүйнө

Индия менен Пакистан ок атышпоо келишимин узартышты 133 0

23:48 2025-05-15 | Саясат

Бүгүн бир катар кызмат жетекчиликтеринде орун алмашуу болду 434 0

23:18 2025-05-15 | Түркүн дүйнө

Түштүк Судандын бийлиги президентинин өлүмү тууралуу кептерди четке какты 421 0

22:42 2025-05-15 | Коом жана турмуш

Курулуш министрлиги кырсыктарды алдын алуучу буйрук чыгарды 355 0

Архив

Комментарийлер (11)

Usow

2016-07-16 15:04:11

Аллах озу сактасын этият болунуздар

nargis

2016-07-16 15:51:12

Бей куноо адамдарды кудайым озу колдосун ,алыскы жакынкы туугандар аман эсен болушсун.Кыргыздар коп эле Туркядада баары амандыкта уйлоруно кайтышсын.

birtanem

2016-07-16 16:29:36

Жаратканым кандай заман болуп жатат?!Баарыбызды Аллах озу сактасын!Turk kardeslerim baslariniz saolsun !

zamir-bek

2016-07-16 16:39:25

Ушунун баарын Америка эле кылып жатса керек. Турктордун Орустар менен достошконун коро албай,ичтеринен кан отуп олуп атышкан да. Эмнеси болсо дагы эртерээк тынчыса экен.

stervella415

2016-07-16 17:18:19

Уууф тиштенип аран отуравыз.....смтер келип атат ешике чыкпагыла деген,емнеси болсо да бутсо екен бу согуш.....:(:(

tohanur

2016-07-16 17:34:44

кудай мекендештерди сакта

miss-998

2016-07-16 20:43:41

Бир гана мекендештер эмес жалпы мусулмандар аман болсун, Аллахым колдосун! !!

daniel87

2016-07-16 21:56:05

Турция дагы боордоштор аман болгула баарын Карындашым куйоосу менен журот иштеп Бир заматта жаман болуп кетттик баарыбыз Карындашым да Анкаранын центринде жашашат ошол жерде болуптур.тынчыр замат Кыргызстанга кайтышын сурандык

Ananasky

2016-07-16 23:17:00

Кайда журбойлу Жаратканыбыз тынчтык Бресте.

Azizbek.kg8

2016-07-16 23:46:21

Кудай сактасын .

Askarbek15

2016-07-17 00:24:55

Аллахым олгондорду оз ырайымына алган болсун оомин.

Комментарий калтыруу үчүн өз ысымыңыз менен кириңиз же каттоодон өтүңүз.