Оштогу жаңыдан салынып жаткан көпүрөнүн курулуш сапаты текшерилди (фото)

Ош шаарынын мэри Айтмамат Кадырбаев Ош шаарындагы Курманжан датка жана Туран аймактык кеңештерин бириктирүүчү көпүрөнүн курулуш иштерин текшерип чыкканын 19-июлда мэриядан билдиришти. Ошондой эле Кадырбаев курулуштун жанындагы жаңыдан алмаштырылып жаткан таза суу түтүгүн да көрүп кайтты.

Бул көпүрө Ош шаарынын Навои көчөсүндөгү көпүрөнүн курулуш иштеринен үнөмдөлгөн акча каражатына курулуп жатат. Жолдун жалпы узундугу 0,5 чакырым, ал эми көпүрөнүн узундугу 36, туурасы 22 метрди түзөт. Курулуш мөөнөтү 1 жыл.

"Учурда курулуш иштери кызуу жүрүп жатат. Эң негизгиси - сапаты жана ыңгайлуулугу. Бир күнгө шаардыктарга таза суу берүүнү токтотуп турдук, таза суу кеткен түтүктү жаңысына алмаштырып, 2 метрге ылдыйлаттык. Бул иш-аракеттин баары көпүрөнүн курулушуна тоскоолдуктар жаралбаш үчүн жасалып жатат”, - деп билдирди Кадырбаев.

Шаар башчысы тиешелүү жетекчилерге, куруучуларга курулуштун сапатына маани берүүнү айтып, айрым бир катуу талаптарды койду.

Азыркы тапта 30дан ашуун көпүрө куруу боюнча атайын адистер, 20га жакын техника өз ишин жүргүзүп, көпүрөгө чейинки жолдорду тегиздөө иштери аткарылууда.

Айта кетсек, курулуш иштери “Сутранспромжилстрой” компаниясы тарабынан жүргүзүлүүдө. Жалпы сметалык баасы 73,0 миллион сомду, ал эми тендердик баасы 43,6 миллион сомду түзөт.

Автор: Жамалидин Парманкулов

11:29 19-07-2016

Жазылуу

РУБРИКАДАГЫ СОҢКУ КАБАРЛАР

23:18 2025-05-15 | Түркүн дүйнө

Түштүк Судандын бийлиги президентинин өлүмү тууралуу кептерди четке какты 126 0

22:42 2025-05-15 | Коом жана турмуш

Курулуш министрлиги кырсыктарды алдын алуучу буйрук чыгарды 229 0

22:25 2025-05-15 | Түркүн дүйнө

Мексикада белгилүү блогер айым TikTok'тун түз эфиринде атып өлтүрүлгөн 920 0

21:56 2025-05-15 | Кылмыштар, кырсыктар

Оштогу базардын жер тилкеси мамлекетке алынды 394 0

21:29 2025-05-15 | Саясат

Кызматын алмаштырган Бекболотовдун министрлик ордунун милдетин орун басары аткарат 698 0

21:19 2025-05-15 | Саясат

Коргоо министри Бекболотов коопсуздук кеңешинин катчысы болуп дайындалды 728 0

Архив

Комментарийлер (10)

travma

2016-07-19 11:36:29

Алгалай бер.

Taalai94

2016-07-19 11:56:02

Мен Ошко баргычакты копурону бутургуло.

-8

Beksultan01

2016-07-19 12:21:20

Уномдоп отуруп эстакадабыз 1жылга жетпей ремонт болду)))

admin_portal

2016-07-19 12:50:45

KaiMak, жеке айтышуулар купуяга!

KaiMak

2016-07-19 17:33:12

admin_portal,макул

Shef87

2016-07-19 16:57:26

сол капчыкка уномдолду да

bek.kgz

2016-07-19 20:38:54

Курулуш сапаты кантип текшерилиптир??? "Учурда курулуш иштери кызуу жүрүп жатат. Эң негизгиси - сапаты жана ыңгайлуулугу." деген созу мененби??? Же Шаар башчысы тиешелүү жетекчилерге, куруучуларга курулуштун сапатына маани берүүнү айтып, айрым бир катуу талаптарды коюу мененби???

tynara81

2016-07-20 10:42:27

Текшерип чыгыптыр экен... курулушту түшүнөт бекен ...

meerimma84

2016-07-20 11:06:27

ишин жакшы билген кызматкерлер биздин элдин адамдары копуро копко иштеши жана сапаттуу жасалышын ошолор да билсе керектир дейм, чондор акча уномдоп местасынан кеткичекти аралвкты коздосо коммисиялар жакшылап текшеришсе экен. Эптеп акт жазыш максат кылбай. Демекчимин, Инсапты коммисияларга да берсин...

zhumagul89

2016-07-20 23:48:40

Куда кааласа бутсо, эмдиги жылы капиталный ремонт. Биздин чондордун кылган иштери белгилууго

Комментарий калтыруу үчүн өз ысымыңыз менен кириңиз же каттоодон өтүңүз.