II Дүйнөлүк көчмөндөр оюндарынын баннерлери мамлекеттик тил боюнча мыйзамды бузууда

Учурда II Дүйнөлүк көчмөндөр оюндарына карата ар тараптан кызуу даярдык көрүлүп жатат. Өлкөнүн атагын алыска тааныта турган ири иш-чарага арналган көрнөк-жарнактар илинип, маалыматтар берилип жатат. Бирок мамлекеттик тилдеги жазуусу жок баннерлер илинүүдө. Мындай маалымат Мамлекеттик тил боюнча улуттук комиссиянын расмий сайтында маалымдалат.

Бул туурасында Мамлекеттик тил боюнча улуттук комиссиянын котормо бөлүмүнүн башчысы Аалы Молдоканов "бизден башка бир дагы өлкөдө мейманды башка элдин тили менен тоспойт" деп билдирген.

"Жарнама боюнча мыйзамдын 5-пунктуна ылайык, жарнама, кулактандыруулар мамлекеттик тилде, андан соң расмий тилде жазылышы керек. Мамлекеттик тил боюнча мыйзамдын 27-беренесинде "кулактандыруу, прейскурант, жарнамалар алгач мамлекеттик тилде, андан кийин расмий тилде жазылышы керек" деп турат. Көчмөндөр оюндары тууралуу баннерлерде мына ушул эрежелер бузулган. Биз мындай мыйзам бузуулар боюнча эч кимди жоопко тарта албайбыз, болгону уяткаруу менен гана чектелебиз", - деп билдиришти Мамлекеттик тил комиссиясынан.

Ал эми сөз болуп жаткан баннерлер боюнча Дүйнөлүк көчмөндөр оюндарынын катчылыгына кайрылуу жиберилген.

Белгилей кетсек, II Дүйнөлүк көчмөндөр оюндары Чолпон -Ата шаарында 3-8-сентябрь күндөрү өткөрүлөт.

Автор: Турсунай Алымкулова
Фото: Мамлекеттик тил комиссиясы

14:54 19-07-2016

Жазылуу

РУБРИКАДАГЫ СОҢКУ КАБАРЛАР

23:18 2025-05-15 | Түркүн дүйнө

Түштүк Судандын бийлиги президентинин өлүмү тууралуу кептерди четке какты 126 0

22:42 2025-05-15 | Коом жана турмуш

Курулуш министрлиги кырсыктарды алдын алуучу буйрук чыгарды 229 0

22:25 2025-05-15 | Түркүн дүйнө

Мексикада белгилүү блогер айым TikTok'тун түз эфиринде атып өлтүрүлгөн 920 0

21:56 2025-05-15 | Кылмыштар, кырсыктар

Оштогу базардын жер тилкеси мамлекетке алынды 394 0

21:29 2025-05-15 | Саясат

Кызматын алмаштырган Бекболотовдун министрлик ордунун милдетин орун басары аткарат 698 0

21:19 2025-05-15 | Саясат

Коргоо министри Бекболотов коопсуздук кеңешинин катчысы болуп дайындалды 728 0

Архив

Комментарийлер (11)

kyrgyzman

2016-07-19 14:58:07

Башында кыргызчаны тушунбогон киргиз отурса анан кантип кыргызча жаздырмак эле

ulanbek027

2016-07-19 15:17:41

Кыргыз тилинде жазылыш керек,туура айтылган.

Futuro3

2016-07-19 15:27:17

Бир Чолпон Атада болот. Бир Бостериде болот дебейчи э. Бостери айыл өкмөтүнө караштуу Бакту Долоноту айылында болот деп туура жана так жазгылачы эй.

Rifle_S

2016-07-19 15:33:31

Кайран элим, кайда баратабыз ?
Арабизация деп шылтоолоп, нукура кыргыз тилин кийинкиге сактап койгонбуз. Ошол себептен колдонбойбуз.

Jeka

2016-07-19 15:44:12

"... ири көлөмдөгү иш-чарага арналган көрнөк-жарнактар илинип, маалыматтар берилип жатат".

"Ири көлөмдөгү иш-чара" болбойт, "ири масштабдагы иш-чара" болот.

-4

blood

2016-07-19 16:08:55

Кыргыз копсо орусча суйлойт болуптурго!!

Jigit80

2016-07-19 16:26:37

орусча ырдап орусча жазып жашайбызда эми.Улгу алчуу башчылардан улгу алып.

Malik92

2016-07-19 16:52:39

Ошентип орустун тилине кул болуп жашагыча өлүп кеткен жакшы. Ушундай орусча жазылган жарнактарды көрсөм өрттөп таштагым келет илинген жеринде.

Torreto

2016-07-19 17:04:50

Шеф орусча ырдап орусча жаздырса орусча болот да

Негизи кочмондор оюну эмес баардык жарнамаларды кыргызча кылыш керек)))

KGstan1981

2016-07-19 17:27:16

кээ бирлери интернетте орусча я не боюсь умирать деп ыр ырдап хит болуп жатса аны болсо кээбир ырчыларыбыз бироолорго жагыныш у-н дуурап ырдап жатышса альбеете озубуздун эне тилибиз экинчи оорунга барып калатда

Azizbek.kg8

2016-07-19 22:14:11

Биринчилерден болуп бирин кал.Дегендерго бул жарнамаларды чыгарганда.Биз качан патриот уул,кыз болобу мекенге.

Комментарий калтыруу үчүн өз ысымыңыз менен кириңиз же каттоодон өтүңүз.