Малайзиядан жана өлкөнүн 7 дубанынан келген окуучулар президент Алмазбек Атамбаев окуган мектепте болушту (фото)

Үч топко бөлүнгөн окуучулар "Хан-Теңири" ресторанынан түштөнүп, Ысык-Көлдү көздөй сапар алышты.

Президент окуган мектептин сырткы көрүнүшү

Меймандар мектеп жамааты менен эстеликке сүрөткө түшүштү.

КРнын Малайзиядагы элчиси Кылычбек Султанов жана малайзиялык мугалимдер.

Малайзиядан келген айымдарга чепкен кийгизишти.

Мектеп жамааты да "куттуу үйдөн куру чыкпайт" деп элчи Кылычбек Султановго калпак кийгизди.

Малайзиядан келген мугалим кыргыз окуучулары менен селфиге түшүүдө.

Мектептин окуучулары малайзиялыктарга өнөрлөрүн тартуулашты.

Кылычбек Султанов мектептин директору Сейдакмат Берикбаевге ыраазычылык билдирди.

Таланттуу окуучулар конокторго өз өнөрлөрүн тартуулашты.

Тест тапшыруу убагы.

Окуучулар англис тили боюнча деңгээлин аныктоо үчүн атайын тест тапшырышты.

Элчи Кылычбек Султанов билим алуу жаштарга аба-суудай зарыл экенин, мектепте бардык сабактарды кызыгуу менен окуу керектигин айтып берүүдө.

Директор конокторду мектептин музейи менен тааныштырууда.

Окуучуларды мектеп жамааты кол чабуулар менен тосуп алды.

КРнын Малайзиядагы элчиси Кылычбек Султанов жана мектеп директору Сейдакмат Берикбаев

Президент окуган жалпы билим берүү мектебине келген окуучулар

Өлкөнүн 7 облусунан, Ош, Бишкек шаарларынан келген мектеп окуучулары

20-26-июль аралыгында Кыргыз Республикасынын Малайзиядагы элчилиги уюштуруп жаткан Ысык-Көлдө жайкы эс алуу учурундагы билим берүү иш-чарасы орун алат. Бул иш-чарага катышуу үчүн кечээ, 19-июлда Малайзиядан англис тил мугалимдери жана мектеп окуучулары Кыргыз жерине келишкен.

Бүгүн, 20-июлда Малайзиядан келген англис тил мугалимдери, окуучулар өлкөнүн 7 дубанынан келген окуучулар менен президент Алмазбек Атамбаев окуган Феодосия Стрельникова атындагы жалпы билим берүү мектебине барышты. КРнын Малайзиядагы элчиси Кылычбек Султанов келген конокторду мектеп жамааты менен тааныштырды. Аталган мектептин директору Сейдакмат Берикбаев алыстан келген окуучуларга мектептин музейин тааныштырып, мында өлкө башчы Алмазбек Атамбаев, экс-премьер-министр Апас Жумагулов сыяктуу кыргыздын чыгаан уулдары окуганын айтып, мектептин тарыхына, жетишкен ийгиликтерине токтолуп өттү.

Окуучулар англис тили боюнча деңгээлин аныктоо үчүн атайын тест тапшырганча, малайзиялык коноктор үчүн таланттуу окуучулар комуз чертип, майрамдык маанай тартуулашты. Соңунда майрамдык маанай тартуулаган окуучуларга малайзиялыктар ала келген белектерин, таттууларды тапшырышты.

Мектеп жамааты да "куттуу үйдөн куру чыкпайт" деп элчи Кылычбек Султановго калпак, Малайзиядан келген айымдарга чепкен кийгизишти.

Президент окуган мектеп менен таанышкан соң окуучулар тапшырган тесттеринин жыйынтыгы боюнча үч топко: англис тилин мыкты билгендер, жакшы жана канааттандырарлык деңгээлде билгендер деп бөлүнүштү. Ал үчүн атайын үч түстөгү: кызыл, сары, ак футболкалар даярдалган. Түшкө маал окуучулар "Хан-Теңири" ресторанынан тамактанышып, Ысык-Көлдү көздөй сапар алышты.

Малайзиялыктар кыргыз окуучуларын Ысык-Көлдө окутушат

Автор: Турсунай Алымкулова
Фото: Адилет Бектуров

15:06 20-07-2016

Жазылуу

РУБРИКАДАГЫ СОҢКУ КАБАРЛАР

23:18 2025-05-15 | Түркүн дүйнө

Түштүк Судандын бийлиги президентинин өлүмү тууралуу кептерди четке какты 126 0

22:42 2025-05-15 | Коом жана турмуш

Курулуш министрлиги кырсыктарды алдын алуучу буйрук чыгарды 229 0

22:25 2025-05-15 | Түркүн дүйнө

Мексикада белгилүү блогер айым TikTok'тун түз эфиринде атып өлтүрүлгөн 920 0

21:56 2025-05-15 | Кылмыштар, кырсыктар

Оштогу базардын жер тилкеси мамлекетке алынды 394 0

21:29 2025-05-15 | Саясат

Кызматын алмаштырган Бекболотовдун министрлик ордунун милдетин орун басары аткарат 698 0

21:19 2025-05-15 | Саясат

Коргоо министри Бекболотов коопсуздук кеңешинин катчысы болуп дайындалды 728 0

Архив

Комментарийлер (8)

Rifle_S

2016-07-20 12:47:41

Малазиянын элчилиги аябай жакшы иштеп жатат көз тийбесе. Ушундай активдүү иштеген саясий ишмердер президент болсо.

Bill_Gates

2016-07-20 14:18:46

Rifle_S,Атамбаев деле убагында ушундай болчу

ASELENOK

2016-07-20 14:19:28

Rifle_S,Жарабайт президенттикке. Болгону жакшы менеджер.

KaiMak

2016-07-20 13:23:02

мен да ошентип ойлойм

-1

KGstan1981

2016-07-20 13:56:57

Ажобуздун интернетте хит б-н ырларын дагын уктурушпаптырда.Кылычбек Султанов жонокой адамгечилуу бой которбогон элчи экен муну Тышкы Иштер министри кылып дайындаса жакшы болот

Kani1994

2016-07-20 15:37:45

ай-ий СОНУН болуптур!!!

Jonathan88

2016-07-20 18:31:04

Күндүн СООНУН жанылыгы,а элчи байкебизге мындан арыда иийгилик каалайм.

blood

2016-07-20 23:30:20

Алмаз Шаршеневич деле кыргыздын чыгаан уулдарынын бири

Комментарий калтыруу үчүн өз ысымыңыз менен кириңиз же каттоодон өтүңүз.