СУПЕРСТАН: "Күндөштөр кучакташат, абысындар бычакташат"

SUPER.KG порталынын "Суперстан" бөлүмүндө "Ага-ининин аялдарынын мамилелери" деген тема талкууга алынууда.

Темадагы билдирүүлөр:

"Менин кайнагам үйлөнө элек, биз биринчи үйлөнүп алганбыз. Эмки айда той беребиз деп камданып жатабыз. Абысыным экөөбүздүн мамилебиз кандай болот экен деп ойлонуп жатам".

"Апаңыз абысындарына кандай мамиле кылат? Же жеңелериңиз бири-бири менен кандай мамиледе? Ошолордой эле сый болосуз. Мисалы, менин жеңелерим бири-бирине эже-сиңдилердей мамиле жасашат".

"Сиз ошол үй-бүлөнүн бир мүчөсү болгондон кийин баарына бирдей мамиле кылышыңыз керек. Колдон келишинче дос болуп, колуңуздан келген жардамыңызды берип, жардамдашып туруңуз".

"Беш кол тең эмес. Кыргызда "күндөштөр кучакташат, абысындар бычакташат" деген кеп бар эмеспи. Кудай сактасын, бирок жашоодо ар кандай учурларга күбө болуп келе жатабыз. Үй-бүлөлүү эжелер кеңештерин берип кетишет деп ишенем".

"Колдон келишинче жакшы мамиле кыла берсеңиз, өзүңүзгө жакшы болот. Менин кичүү агамдын аялы улуу агамдын аялынан улуу, ошентсе да "жеңе-жеңе" деп аябай жакшы мамиле кылат. Экөөнөн ынтымактуу адам жок. Ар бир адамдын өзүнөн деп ойлойм, кандай мамиле кылсаңыз, ошондой мамиле кайтат".

"Агадан иниси эрте үйлөнгөнү кадимки эле көрүнүш. Бир нерсени эске түйүп алыңыз: абысыныңыз сизден кийин келеби же кичүү болобу, баары бир жеңе болуп кала бермекчи. Ошондуктан жеңе деп сый-урмат көрсөтсөңөр жеңиш силер тарапта. Ортодогу сый гана ага-инини жакындаштырат. Ынтымак ыроолойт. Ылайым жакшы абысын насип этсин".

Талкууга кошулгуңуз келсе, бул жакка кириңиз.

Автор: Алина Токтакунова

15:15 21-07-2016

Жазылуу

РУБРИКАДАГЫ СОҢКУ КАБАРЛАР

23:18 2025-05-15 | Түркүн дүйнө

Түштүк Судандын бийлиги президентинин өлүмү тууралуу кептерди четке какты 126 0

22:42 2025-05-15 | Коом жана турмуш

Курулуш министрлиги кырсыктарды алдын алуучу буйрук чыгарды 229 0

22:25 2025-05-15 | Түркүн дүйнө

Мексикада белгилүү блогер айым TikTok'тун түз эфиринде атып өлтүрүлгөн 920 0

21:56 2025-05-15 | Кылмыштар, кырсыктар

Оштогу базардын жер тилкеси мамлекетке алынды 394 0

21:29 2025-05-15 | Саясат

Кызматын алмаштырган Бекболотовдун министрлик ордунун милдетин орун басары аткарат 698 0

21:19 2025-05-15 | Саясат

Коргоо министри Бекболотов коопсуздук кеңешинин катчысы болуп дайындалды 728 0

Архив

Комментарийлер (2)

Samina007

2016-07-21 15:28:00

Бажалар баштарын тырмашат

adiko11

2016-07-21 16:03:00

Саламатсыздарбы менин уч абысыным бар ото начар адамдар ичи таап биррону коро албайт олгудой ушакчы жок создорду айтынго деп чыгат келгениме сегиз жылдан ашты журогум ооруй турган болуп калды куйоом да башта ишенбейт эле Эми коруп билип суйлошпо эч Ким менен деп аяп калды беш кол тен эмес эртенкиге эрмек кечкиге жомок болуп журобуз намаз окуп кичине озум оорубай калдым азыр аларды ойлобойм дагы тооба деп журом

Комментарий калтыруу үчүн өз ысымыңыз менен кириңиз же каттоодон өтүңүз.