Ажылык сапарга камданып жаткандар окуу курстарынан өтүшүүдө

Кыргыз жеринен ажылыкка бара турган жарандар атайын окуу курсунан өтүшүүдө. Бул тууралуу муфтияттан кабарлашты.

Маалыматка ылайык, учурда Ош, Баткен, Жалал-Абад облустарындагы ажылыкка бара тургандарга ажылыктын эрежелери, ажылыкты аткарууда Сауд Арабиясынын мыйзамдарын сактоо, коопсуздук эрежелери, Мина, Арафат өрөөндөрүндөгү жайгашуу тартиптери боюнча видео-слайд сабактары өткөрүлүүдө.

"25-июлда Чүй облусунан ажылык сапарга бара тургандарга сабактар өтүлөт. Андан кийин Ысык-Көл, Нарын, Талас облустарындагы ажыларга уюштурулмакчы", - деди Равшан ажы Эратов.

Автор: Максат Кудайбердиев
Фото: Муфтияттын басма сөз кызматы