Окуучулардын бири Малайзиядан келген мугалимдерге жана досторуна даярдаган белектерин тапшырды

Соңунда коноктор Ибрагим менен эстеликке сүрөткө түшүштү.

Малайзиялык мугалимдер белекти кубануу менен кабыл алышып, Ибрагимге ыраазычылыктарын билдиришти.

Кыска убакытта жакын досторго айланган окуучулар эстеликке сүрөткө түшүштү.

Ибрагим малайзиялык окуучуларга белегин тапшырып, Кыргыз Республикасынын кооз жерлери тууралуу айтып берип жатат.

Кереметтүү кыргыз бермети болгон Ысык-Көлдүн жээгинде Кыргыз Республикасынын Малайзиядагы элчилиги уюштурган билим берүү багытындагы долбоор кызыктуу уланууда. Түнгө чейин уланган
иш-чаранын 22-июлдагы бөлүгү да соңуна чыкты. Окуучулардын бири Эсенкул уулу Ибрагим малайзиялык мугалимдерине жана досторуна даярдап келген чакан белектерин тапшырды. Ибрагим Жалал-Абад облусуна караштуу Чаткал районунан келген. Андыктан окуучу өз районундагы тарыхый, кызыктуу жана кооз жерлердин сүрөтүн даярдап келгенин англис тилинде түшүндүрүп берди. Малайзиялык мугалимдер жана окуучулар күтүүсүз белекке кубанып, Ибрагимге ыраазычылык билдиришти.

Ал эми эртең, 23-июлда долбоордун алкагында катышуучулар Чолпон-Ата шаарында жайгашкан "Рух-Ордо" тарыхый комплексине экскурсияга чыгышат.