Чаткалда 150 орундуу мектептин курулушу башталат

Чаткал районунун Каныш-Кыя айыл аймагына караштуу Чакмак-Суу айылында 150 орундуу мектептин курулушу башталат. Бул тууралуу бүгүн, 25-июлда Чаткал райондук билим берүү бөлүмүнүн башчысы Равшан Мамурбеков билдирди.

Маалыматка ылайык, Чаткал районунун Чакмак-Суу айылына курулуучу мектептин каржы маселесин алтын казган "Кичи-Чаар-Ат" фирмасы өз моюнуна алган.

"Жергиликтүү алтын казган фирма менен келишим түзүп, 150 орундуу мектеп курмай болдук. Курулуштун жалпы баасы 30 миллион сомго бааланды. Учурда мектептин курулушуна таандык
иш-аракеттер жыйынтыкталды. 1-августта курулуш иши башталат", - деп кошумчалады Мамурбеков.

Автор: Акназар Сулайманкулов
Фото: Интернеттен алынды