Баткендеги “Токтогул олуя” зыярат кылуучу жайын реконструкциялоого марафон өткөрүлөт

Тарых жана маданият жылынын алкагында Баткендеги “Токтогул олуя” зыярат кылуучу жайын реконструкциялоо үчүн марафон өткөрүлөт. Демилгени өкмөттүн Баткен облусундагы өкүлчүлүгү көтөрүүдө. Облустук администрациядан 9-августта билдиришкендей, аталган жайдын абалы менен облус башчысы Абиш Халмурзаев таанышып келди.

"Токтогул олуя азыркы Баткен шаарынын Базар-Башы кварталында жашап, өз мезгилинин алысты көргөн көрөгөч, акылман, олуя инсаны болгон. Тарыхый инсанды түбөлүк калтыруу максатында 2003-жылы марафон өткөрүлүп, сыйынуучу жай уюштурулган. Зыярат кылуучу жайда күмбөзү жана таш жайнамазы бар. Ошондой эле ал ааламдын сырын билген, Баткендин жаралышын айткан киши болгон", - деп билдиришти администрациядан.

Автор: Жамалидин Парманкулов
Фото: Интернеттен алынды