Мамлекеттик коргоо комитети: "Аскерге чакырыла турган жарандарды өлкөдөн тышка чыгууга убактылуу чектөө Баш мыйзамга каршы келбейт"

Аскерге чакырыла турган жарандарды өлкөдөн тышка чыгууга убактылуу чектөө Баш мыйзамга каршы келбейт. Бул тууралуу бүгүн, 10-августта маалымат жыйынында Мамлекеттик коргоо комитетинин Аскер башкармалыгынын Жергиликтүү органдар боюнча башкы башкармалыгынын башчысы Руслан Абдрахманов билдирди.

Анын айтымында, "КРнын жарандарынын жалпыга бирдей аскердик милдети жөнүндө" мыйзамына ылайык, жарандарга аскердик кызматка чакыруунун мөөнөтүн узартуу чакыруу комиссиясынын чечими төмөнкү учурларда берилет:

1) үй-бүлөлүк шарттары боюнча;

2) билим алуусун улантуу үчүн;

3) ден соолугунун абалы боюнча.

"Конституцияда жарандардын укуктарынан тышкары милдеттери да белгиленген. Ата Мекенге кызмат кылуу - негизги милдеттеринин бири",- деди Абдрахманов.

Айта кетсек, Мамлекеттик коргоо комитети аскерге чакырыла турган жарандарды өлкөдөн тышка чыгууга убактылуу тыюу салуу боюнча токтом долбоорун сунуштап жатат. Бул токтомдун негиздеме маалыматында “экономикалык абалга байланыштуу республикада түзүлгөн ички жана тышкы миграциялык жагдай каттоодон чыкпай туруп башка аймакка же өлкөдөн чыгып кетип, жарандардын аскердик кызматка чакыруудан качуусуна шарт түзүп жатат” деп айтылган.

Автор: Нургазы Аматов

13:02 10-08-2016

Жазылуу

РУБРИКАДАГЫ СОҢКУ КАБАРЛАР

15:36 2025-05-15 | Коом жана турмуш

Президент хоккей боюнча улуттук кураманын мүчөлөрүнө акчалай сыйлык тапшырды (сүрөт) 26 0

15:33 2025-05-15 | Коом жана турмуш

SUPER.KG порталынын журналисти Мароккодогу дүйнөлүк конгресске катышууда 40 0

15:25 2025-05-15 | Коом жана турмуш

Чүйдүн чегиртке каптаган талааларында дарылоо иштери жүрүүдө (видео) 86 0

15:00 2025-05-15 | Коом жана турмуш

Президенттин иш башкармасы МИКке нааразы болгон депутатка жооп берди 339 0

14:45 2025-05-15 | Саясат

"Оппозициялык күчтөр кылып жатса керек". Садыр Жапаров кыргыз-казак тарыхы боюнча маек берди 321 0

14:34 2025-05-15 | Коом жана турмуш

+39 градуска чейин ысыйт. 16-майга карата аба ырайы 239 0

Архив

Комментарийлер (2)

Nurkyz1977

2016-08-10 13:32:05

Армияга созсуз барыш керек мен балдарымды жиберем кээ бир ата энелер соо баласын оорукчан деп алып калгандарга тушунбойм,армияда кыйноо болот,балдар олуп келипатат дегендерге да айтаарым баары. Аллахтын колунда эгер алгысы келсе кучактап отурсан да арачы боло албайсын,жакшы ойлонуп балдарыбызды аз да болсо мекенди суйууго ундоп аскерге жонотушубуз керек. Менин да эки балам студент окуусун буткон сон барышат. Аллах кааласа. Жеке менин оюум. Эгер эркек болуп жаралганда созсуз армияга бармакмын

-1

tin4a

2016-08-10 17:50:44

Депутат министрлерге тиешелуу экен.Карапайым калктын балдары эле кызмат отоп атышат.

Комментарий калтыруу үчүн өз ысымыңыз менен кириңиз же каттоодон өтүңүз.