Бишкекте Өрткө каршы күрөшүү кызматынын 90 жылдыгына карата спорттук мелдеш өткөрүлдү

Бүгүн, 10-августта Бишкек шаарында Өзгөчө кырдаалдар министрлигинин Өрткө каршы күрөшүү кызматынын 90 жылдыгына карата спорттук мелдеш өткөрүлдү. Cпорттук иш-чарага бардык облустардагы Аймактык өрткө каршы күрөшүү кызматтары катышты.

"Мелдешти өткөрүүдөгү негизги - максат кызматкерлердин шамдагайлыгын, ыкчам аракеттерин арттыруу, кызматкерлердин тажрыйба алмашуусуна шарт түзүү. Бул мелдеш жыл сайын уюштурулат. Буга чейин аймактарда өткөрүлүп келген", - деди Өрткө каршы мамлекеттик кызмат агенттигинин өрттүн алдын алуу жана анализдөө бөлүмүнүн башчысы Үсөн уулу Акжол.

Иш-чарада кызматкерлер алгач атайын майрамдык параддан өтүп, андан соң спорттун 5 түрүндө күч сынашты. Алар көп кабаттуу үйгө шаты менен чыгуу, жүгүрүү, тоскоолдуктардан өтүү сыяктуу жарыштарга түшүштү.